តារាហូលីវូដលោក Tom Hanks និងភរិយា ធ្វើតេស្តរកឃើញ ឆ្លងវីរុសកូវីដ-១៩
អូស្ត្រាលី ៖ តារាសម្តែងជើងចាស់របស់សហរដ្ឋអាមេរិក លោក Tom Hanks បាននិយាយនៅថ្ងៃទី១២ មីនានេះថា លោកនិងភរិយាឈ្មោះ Rita…
អូស្ត្រាលី ៖ តារាសម្តែងជើងចាស់របស់សហរដ្ឋអាមេរិក លោក Tom Hanks បាននិយាយនៅថ្ងៃទី១២ មីនានេះថា លោកនិងភរិយាឈ្មោះ Rita…
អូស្ត្រាលី ៖ តារាសម្តែងជើងចាស់របស់សហរដ្ឋអាមេរិក លោក Tom Hanks បាននិយាយនៅថ្ងៃទី១២ មីនានេះថា លោកនិងភរិយាឈ្មោះ Rita Wilson ត្រូវបានមន្ត្រីពេទ្យនៃប្រទេសអូស្ត្រាលី ធ្វើរោគវិនិច្ឆ័យរកឃើញថា មានផ្ទុកវីរុសកូវីដ-១៩ ទាំង២នាក់។
លោក Tom Hanks វ័យ៦៣ឆ្នាំ បានធ្វើដំណើរពីសហរដ្ឋអាមេរិក មកដល់អាកាសយានដ្ឋាន Gold Coast នាទីក្រុងឆ្នេរសមុទ្រ ស្ថិតនៅរដ្ឋឃ្វីនឡែន ប្រទេសអូស្ត្រាលី កាលពីចុងខែកុម្ភៈ ដើម្បីចូលរួមក្នុងខ្សែភាពយន្តមួយ របស់លោក បាស លូហាម៉ាន់ ជនជាតិអូស្ត្រាលី ជាអ្នកដឹកនាំរឿង ។
នៅក្នុងសារមួយដែលលោក Hanks បានសរសេរបង្ហោះទៅក្នុងបណ្តាញសង្គម បានពន្យល់ថា ទាំងលោកនិងភរិយា Rita បានបង្ហាញរោគសញ្ញាកម្រិតស្រាល ។ ពួកយើងមានអារម្មណ៍រាងហត់បន្តិច ដូចជាមានជំងឺផ្តាសាយ និងឈឺខ្លួនបន្តិចបន្តួច ។ រីតានាងមានគ្រុនក្តៅខ្លះដែរ រួចក៏បាននាំគ្នាទៅធ្វើតេស្តរកមើលមេរោគកូរ៉ូណា ។ ហើយជាលទ្ធផល ត្រូវបានគេរកឃើញថា វិជ្ជមាន ចំពោះវីរុស COVID-19 ។ ហើយពួកយើងកំពុងធ្វើតាមដំបូន្មានរបស់អ្នកជំនាញសុខភាព និងដាក់ឲ្យនៅដាច់ដោយឡែកពីគ្នា ។
រហូតមកដល់ពេលនេះ ប្រទេសអូស្ត្រាលី រកឃើញអ្នកឆ្លងវីរុសកូវីដ សរុបចំនួន១៣៩ ករណីហើយ ។ ករណីនៅរដ្ឋឃ្វីនលែន បូករួមទាំងតារាយន្តហូលីវូដ ២ករណីបន្ថែមទៀតនេះ នាំឲ្យរដ្ឋមួយនេះ មានអ្នកឆ្លងយ៉ាងហោចណាស់ ២០នាក់ហើយ ៕
ចែករំលែកព័តមាននេះ