តន្ត្រីទេសចរណ៍ភេសជ្ជៈប៉ូវកម្លាំង វើក WURK City Concert នៅថ្ងៃទី១២ និងទី ១៣ មីនានេះ នឹងមានការចូលរួមពីកំពូលតារាចម្រៀងស្រី ២ដួង គឺ ឱក សុគន្ធកញ្ញា និង ពេជ្រ សោភា រួមនឹងតារាល្បីៗជាច្រើនទៀត ដើម្បីនាំយកភាពសប្បាយរីករាយមកកាន់អ្នកគាំទ្រនៅខេត្តតាកែវ ។
តារាល្បីៗដែលនឹងកំដរអារម្មណ៍អ្នកគាំទ្រទាំងអស់ ជាមួយកំពូលតារាចម្រៀងស្រីទាំងពីរខាងលើដែរនោះ រួមមានលោក នីកូ, ឆន សុវណ្ណារាជ, ឈីន រតនៈ, ឃី សុឃុន, លាង សុផាឡែន កែវ សុបញ្ញា, ពេជ្រ ថៃ និង គឿន ភាល័យ ។
ការប្រគំតន្ត្រីទេសចរណ៍ដ៏ធំសម្បើមនេះ នឹងធ្វើឡើងលើបរិវេណទីធ្លាសណ្ឋាគារខេត្តចាស់ ចាប់ពីម៉ោង ៦ល្ងាចតទៅ ។ ដូច្នេះសម្រាប់ប្រិយមិត្ត បងប្អូនអ្នកខេត្តតាកែវទាំងអស់ សូមកុំភ្លេចចូលរួមទស្សនាឱ្យបានច្រើនកុះករ ដើម្បីទទួលបានភាពសប្បាយរីករាយ និងគាំទ្រតារាចម្រៀងក្នុងដួងចិត្តរបស់លោកអ្នក ។
ទស្សនិកជនដែលមិនបានចូលរួមទស្សនាផ្ទាល់ ក៏អាចទស្សនាការផ្សាយបន្តផ្ទាល់តាមកញ្ចក់ទូរទស្សន៍ រស្មីហង្សមាស នៅថ្ងៃទី ១៣ វេលាម៉ោង ៨យប់តទៅបានផងដែរ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ