ប្រធានាធិបតីអាមេរិកលោក ដូណាល់ ត្រាំ បាននិយាយនៅយប់ថ្ងៃពុធ (ថ្ងៃទី១១ ខែមីនា) ថា សហរដ្ឋអាមេរិកនឹងផ្អាករាល់ការធ្វើដំណើរពីអឺរ៉ុបមកកាន់ប្រទេសនេះរយៈពេល៣០ថ្ងៃ ក្នុងកិច្ចប្រឹងប្រែងមួយដើម្បីទប់ស្កាត់ការផ្ទុះឡើងនៃវីរុស Covid-19 ។
លោកបាននិយាយនៅក្នុងសុន្ទរកថាមួយតាមរយៈទូរទស្សន៍ថា ការរឹតត្បិតការធ្វើដំណើរ នឹងមិនអនុវត្តចំពោះចក្រភពអង់គ្លេសឡើយ។
លោកត្រាំ បាននិយាយថា «ដើម្បីរក្សាករណីថ្មីមិនឱ្យបន្ត យើងនឹងផ្អាករាល់ការធ្វើដំណើរពីអឺរ៉ុបមកកាន់សហរដ្ឋអាមេរិកក្នុងរយៈពេល៣០ថ្ងៃ។ ច្បាប់ថ្មីនឹងចូលជាធរមាននៅពាក់កណ្តាលអធ្រាត្រថ្ងៃសុក្រ »។
លោកបាននិយាយថា អឺរ៉ុបបានរកឃើញករណីជាច្រើនទៀត ព្រោះរដ្ឋាភិបាលបានបរាជ័យក្នុងការបញ្ឈប់ការធ្វើដំណើរពីប្រទេសចិន ជាកន្លែងដែលការរីករាលដាលនៃវីរុសនេះ ។
លោកបានបន្ថែមទៀតថា ការហាមឃាត់ទាំងនេះក៏នឹងអនុវត្តចំពោះទំហំពាណិជ្ជកម្ម និងទំនិញយ៉ាងច្រើន រួមទាំងរបស់របរផ្សេងៗទៀតនៅពេលយើងទទួលបានការយល់ព្រម។
នៅពេលទីផ្សារភាគហ៊ុនរបស់អាមេរិក ទទួលរងការវាយប្រហារពីវីរុសឆ្លងនេះ កាលពីថ្ងៃពុធលោកត្រាំបាននិយាយថា លោកនឹងចាត់វិធានការជាបន្ទាន់ដើម្បីផ្តល់ជំនួយហិរញ្ញវត្ថុ ប្រជាជនដែលរងគ្រោះដោយសារវីរុសនេះ។ ដោយលោកកំពុងណែនាំដល់ក្រសួងរតនាគារ ឱ្យពន្យាពេលការបង់ពន្ធដោយគ្មានការប្រាក់ ឬការពិន័យចំពោះអាជីវកម្ម និងបុគ្គលមួយចំនួនដែលរងផលប៉ះពាល់។
ដោយក្នុងនោះលោកបានបន្ថែមទៀតថា លោកក៏កំពុងណែនាំរដ្ឋបាលអាជីវកម្មខ្នាតតូច ឱ្យផ្តល់ដើមទុន និងសាច់ប្រាក់ងាយស្រួល ដល់ក្រុមហ៊ុនដែលរងផលប៉ះពាល់ដោយសារវីរុសនេះ ៕ (ដកស្រង់ចេញពី៖ CAN)
ចែករំលែកព័តមាននេះ