តាមប្រភពព័ត៌មាន Shanghaiist បានឱ្យដឹងថា បុរសជនជាតិកូរ៉េខាងត្បូងម្នាក់ នាពេលថ្មីៗនេះបានបង្ហាញវិធីមួយដែលអ្នកពិតជាមិនគួរយកលុយទៅសម្លាប់មេរោគនៅក្នុងមីក្រូវ៉េវឡើយ ។ បុរសមកពីប៊ូសានបានលឺថា ក្រដាសប្រាក់អាចនឹងមានជាប់មកជាមួយនូវវីរុសកូរ៉ូណា ឬអាចផ្តល់ជាជំងឺកូវីដ១៩ ហើយក៏សម្រេចចិត្តដាក់លុយទៅក្នុងមីក្រូវ៉េវ…
តាមប្រភពព័ត៌មាន Shanghaiist បានឱ្យដឹងថា បុរសជនជាតិកូរ៉េខាងត្បូងម្នាក់ នាពេលថ្មីៗនេះបានបង្ហាញវិធីមួយដែលអ្នកពិតជាមិនគួរយកលុយទៅសម្លាប់មេរោគនៅក្នុងមីក្រូវ៉េវឡើយ ។
បុរសមកពីប៊ូសានបានលឺថា ក្រដាសប្រាក់អាចនឹងមានជាប់មកជាមួយនូវវីរុសកូរ៉ូណា ឬអាចផ្តល់ជាជំងឺកូវីដ១៩ ហើយក៏សម្រេចចិត្តដាក់លុយទៅក្នុងមីក្រូវ៉េវ ដើម្បីសម្លាប់មេរោគ ។ គាត់បានប្រមូលក្រដាសប្រាក់ ១ម៉ឺនវ៉ុនចំនួន ៣៩ សន្លឹក (មានចំនួនប្រហែល ៣២៨ ដុល្លារ) ដាក់ក្នុងមីក្រូវ៉េវហើយបើកម៉ាស៊ីន ។
អ្វីដែលធ្វើឱ្យគាត់មានការភ្ញាក់ផ្អើលយ៉ាងខ្លាំងនោះ គឺក្រដាស់ប្រាក់ចាប់ផ្តើមហុយផ្សែង ហើយឆេះដុំៗ ។ គាត់ត្រូវបង្ខំចិត្តទៅធនាគារ ដើម្បីសុំជំនួយ ។ ជាសំណាងល្អដែរដែលក្រដាស់ប្រាក់៣៣សន្លឹក ត្រូវបានធនាគារប្តូរថ្មីជូន ខណៈដែល៦សន្លឹកទៀតឆេះខ្ទេចពេក ។ ដូចនេះ គឺគាតខាតអស់ប្រាក់ត្រឹមតែ ៥០ដុល្លារប៉ុណ្ណោះ ។
ព័ត៌មានចេញពីប្រទេសកូរ៉េខាងត្បូងនេះ គឺស្រដៀងគ្នាទៅនឹងហេតុការណ៍កើតនៅប្រទេសចិន។ នៅចិន ស្ត្រីម្នាក់នៅខេត្តជាំងស៊ូ បានធ្វើបែបនេះកាលពីសប្តាហ៍មុន ដោយដាក់ក្រដាស់ប្រាក់ ៣១២៥យន់ (៤៤៩ដុល្លារអាមេរិក) ចូលទៅក្នុងមីក្រូវ៉េវ ដោយសារតែខ្លាចមានជាប់កូវីដ១៩៕ កែសម្រួលដោយ ៖ សុឃាក់
ចែករំលែកព័តមាននេះ