រាជធានីភ្នំពេញ ៖ តារាសម្តែងសាច់សខ្ចី អ៊ីង អ៊ីង នៅមិនទាន់ទទួលការសម្តែងភាពយន្តថ្មីនៅឡើយទេ ដោយសារតែនាងកំពុងជាប់ដៃពង្រឹងការងារជំនួញផ្ទាល់ខ្លួន ដោយមិនមានពេលគ្រប់គ្រាន់សម្រាប់ឱកាសបង្ហាញស្នាដៃបន្ថែម ។ យ៉ាងណាក្ដីតារារូបនេះហាក់មិនទៅណាឆ្ងាយពីអាជីពសិល្បៈនេះឡើយ…
រាជធានីភ្នំពេញ ៖ តារាសម្តែងសាច់សខ្ចី អ៊ីង អ៊ីង នៅមិនទាន់ទទួលការសម្តែងភាពយន្តថ្មីនៅឡើយទេ ដោយសារតែនាងកំពុងជាប់ដៃពង្រឹងការងារជំនួញផ្ទាល់ខ្លួន ដោយមិនមានពេលគ្រប់គ្រាន់សម្រាប់ឱកាសបង្ហាញស្នាដៃបន្ថែម ។ យ៉ាងណាក្ដីតារារូបនេះហាក់មិនទៅណាឆ្ងាយពីអាជីពសិល្បៈនេះឡើយ ដោយនាងនៅតែបង្ហាញវត្តមានការថតម៉ូដ សំអាងការ និងថតស្ប៉តពាណិជ្ជកម្មស្ទើរមិនដាច់សូរ ខណៈពេលដែលនាងកំពុងតែត្រូវប៉ាន់លើការងារមួយនេះ ជាជាងការសម្តែងភាពយន្ត ។
តារាសម្តែងអ៊ីង អ៊ីង បានអះអាងកាលពីពេល ថ្មីៗកន្លងមកថា មួយរយៈចុងក្រោយនេះនាងបានសម្រេចមិនទទួលយកការសម្តែងភាពយន្ត ថ្មីៗនៅឡើយទេ ដោយសារតែពេលនេះនាងកំពុងមមាញឹកយ៉ាងខ្លាំងទៅលើមុខជំនួញផ្ទាល់ខ្លួន ដើម្បីឲ្យមានភាពរឹងមាំជាមុនសិន ។ នាងបញ្ជាក់ថា បច្ចុប្បន្នមានគេទាក់ទងមកច្រើនដែរឲ្យចូលរួមសម្តែងភាពយន្ត ប៉ុន្តែនាងនៅមិនទាន់ទទួលយកឡើយ ដោយនាងត្រូវជាប់ភារកិច្ចលើមុខជំនួញកែសម្រស់ដែលទាមទារឲ្យនាងត្រូវទទួលខុសត្រូវ មុនពេលដែលមុខជំនួញនេះបានរឹងមាំ ។
យ៉ាងណាក៏ដោយ បើតាមអ៊ីង អ៊ីង បើទោះបីជាពេលនេះនាងមិនទទួលការថតខ្សែភាពយន្តក៏ដោយ ប៉ុន្តែសម្រាប់ការងារដូចជាការថតម៉ូដសម្លៀកបំពាក់ ម៉ូដសំអាងការ និងថតស្ប៉តពាណិជកម្មគឺនាងនៅតែទទួលយកដដែល ពោលគឺមិនចោលសិល្បៈទាំងស្រុងនោះឡើយ ។
តារាសម្តែងក្នុងបទ«ពីរនាក់បានហើយ» អ៊ីង អ៊ីង ត្រូវបានមហាជនទទួលស្គាល់នូវរូបសម្រស់ដែលមើលទៅដូចកូនកាត់ច្រើនសាសន៍ ជាមួយសាច់សខ្ចី ធ្វើឲ្យ បុរសៗឈ្លក់វង្វេង និងមានទេពកោសល្យដ៏ប៉ិនប្រសប់លើផ្នែកសិល្បៈ ខណៈពេលដែលនាងតែងលេចវត្តមាននៅក្នុងស្ប៉តពាណិជ្ជកម្ម និងភាពយន្ត ផ្សេងៗ ។
ជាការតក់សម្គាល់បន្ទាប់ពីបែកបាក់ស្នេហាជាមួយតារាចម្រៀងលោកម៉ា ច័ន្ទបញ្ញា រួចមកតារាសម្តែងអ៊ីង អ៊ីង តែងតែបង្ហាញរូបភាពតាមបណ្តាញសង្គមលែងខ្លួនសិចស៊ីជាងមុន ធ្វើឱ្យប្រុសៗទប់ចិត្តមិនសរសើរមិនបាន មិនថាការថតម៉ូដសម្លៀកបំពាក់ ឬការថតកម្សាន្តតាមបែសិល្បៈនោះឡើយ ។
អ៊ីងអ៊ីង បានផ្លាស់ប្តូរឥរិយាបទរបស់ខ្លួនយ៉ាងខ្លាំងដោយតារារូបនេះហ៊ានថតរូបបែបសិចស៊ីមិនមានការញញើត ក្រោយពីនាងបានបែកបាក់ស្នេហ៍ដែលធ្លាប់តែផ្អែមល្ហែមនោះរួចមក ខណៈតារារូបនេះបានបញ្ជាក់ថា ការបញ្ចេញរូបភាពដ៏សិចស៊ីរបស់នាងនាពេលនេះមិនមែនក្នុងគោលបំណងអ្វីឡើយ ក្រៅពីការងារសិល្បៈ ។ ទោះជាយ៉ាងណាក៏ដោយ រូបភាពសិចស៊ីរបស់នាងហាក់មិនសូវទទួលការរិះគន់ច្រើនឡើយ ប៉ុន្តែបានទទួលការសសើរច្រើនទៅវិញនូវភាពស្រស់ស្អាតនៃសម្រស់របស់នាង៕ (កែសម្រួលដោយ ៖ បុប្ផា)
ចែករំលែកព័តមាននេះ