ប្រទេសកូរ៉េខាងត្បូង ៖ កូរ៉េខាងត្បូងនាថ្ងៃទី១១ ខែមីនា ឆ្នាំ២០២០ បានរាយការណ៍ពីការកើនឡើងវិញប្រចាំថ្ងៃនៃចំនួនអ្នកឆ្លងវីរុស COVID-19 ក្រោយមានការចុះថយរយៈពេល៦ថ្ងៃចុងក្រោយនេះ នាំឲ្យប្រទេសនេះចេញការប្រកាសអាសន្នថ្មី ក្រោយលេចក្រុមអ្នកឆ្លងថ្មីនៅក្រុងសេអ៊ូលមក។
យោងតាមមជ្ឈមណ្ឌលត្រួតពិនិត្យនិងបង្ការជំងឹកូរ៉េខាងត្បូងថា មានអ្នកឆ្លងវីរុសថ្មី២៤២នាក់ត្រូវបានអះអាងនាថ្ងៃទី១០ មីនា នាំឲ្យចំនួនអ្នកឆ្លងសរុបក្នុងប្រទេសឡើងដល់៧.៧៥៥នាក់។
រហូតមកទល់ពេលនេះអ្នកជំងឺ៦០នាក់ភាគច្រើនជាមនុស្សចាស់និងមានជំងឹស្រាប់ បានត្រូវបាត់បង់ជីវិតដោយសារវីរុសនេះនៅកូរ៉េខាងត្បូង។ ក្នុងចំណោមអ្នកឆ្លងថ្មីប្រមាណជា៦៣%ទាក់ទិនសាខានៃក្រុមសាសនាSHINCHEONJIនៅក្រុងDAEGU។
ក្នុងចំណោមអ្នកឆ្លងវីរុសទាំង១៩៣នាក់នៅក្រុងសេអ៊ូល មនុស្សយ៉ាងតិច៩០នាក់ទាក់ទិននឹងអ្នកធ្វើការក្នុងអគារកម្ពស់១៩ជាន់មួយ។ អគារនោះបានបិទនិងបាញ់ថ្នាំសម្លាប់មេរោគ៕ ដកស្រង់ចេញពីវេបសាយ ៖ yna (កែសម្រួលដោយ ៖ បុប្ផា)
ចែករំលែកព័តមាននេះ