ខែមីនា ជាខែនៃការយល់ដឹងអំពីជំងឺសរសៃប្រសាទនៅអាមេរិក ។ Cerebral Palsy (CP) គឺជាក្រុមនៃជំងឺដែលរារាំងដំណើរការធម្មតានៃកម្លាំងសាច់ដុំ និងឥរិយាបថ ដែលប៉ះពាល់ដល់ចលនា និងការសម្របសម្រួល។ ដើម្បីគាំទ្ររឿងនេះ Lexus ដែលត្រូវបានគេស្គាល់ថា ជាយីហោថយន្តប្រណីតបានសហការគ្នាជាមួយមូលនិធិ Cerebral Palsy Foundation (CPF) បានបង្កើតកូនឡានសម្រាប់ក្មេង ក្នុងគោលបំណងឱ្យពួកគេផ្លាស់ទីមានការងាយស្រួល។
កុមារ Finley Smallwood អាយុ៦ឆ្នាំ ជាអ្នកទទួលបានការកោតសរសើរពីរថយន្ត Lexus នៅ
ខែនេះ ។ យោងតាមលោកស្រី Rachel Byrne នាយកប្រតិបត្តិនៃអង្គការ CPF បាននិយាយថា«មនុស្សដែលមានជំងឺខួរក្បាលកម្រទទួលបានការធ្វើអន្តរាគមន៍ និងការគាំទ្រដែលពួកគេត្រូវការនៅពេលដែលពួកគេត្រូវការ» ។
លោក Cooper Ericksen អនុប្រធានក្រុមហ៊ុន Lexus Group នៃផែនការនិងយុទ្ធសាស្ត្រផលិតផលបានមើលឃើញឱកាសសម្រាប់យីហោរបស់ខ្លួន ដើម្បីចូលរួមជាមួយក្រុមហ៊ុន CPF។ លោក Ericksen មានប្រសាសន៍ថា៖ «យើងបង្កើតយានយន្តជុំវិញសិល្បៈ និងវិទ្យាសាស្ត្រនៃតំរូវការរបស់មនុស្ស។ ក្នុងករណីនេះយើងចង់ស្វែងយល់ថា តើវាមានន័យយ៉ាងណាចំពោះកុមារដែលមានជំងឺខួរក្បាល ដែលមិនអាចទទួលបាននូវភាពរីករាយនៃការផ្លាស់ទីដូចក្មេងដទៃទៀតដែរ» ។
រថយន្តធុនតូចសម្រាប់ Finley គឺបង្កើតឡើងមានចំណុចការពារការប៉ះទង្គិច ដែលធ្វើឡើងយ៉ាងពិសេសសម្រាប់ Finley ដើម្បីការពារមិនឱ្យពិបាកជិះពេលនៅលើរថយន្តរយៈពេលយូរ ។ រថយន្តនេះក៏មានកម្ពស់ទាបពីដី ដែលធ្វើឱ្យ Finley មានការងាយស្រួលក្នុងការឡើងជិះ។ ទាំងចង្កូត និងកន្លែងផ្សេងៗទៀត សុទ្ធតែមានពូក ដើម្បីការពារមិនឱ្យប៉ះទង្គិច។ វាពិតជាការគិតគ្រប់ជ្រុងជ្រោយរបស់ Lexus
មែន៕
ចែករំលែកព័តមាននេះ