ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា គេបានរកឃើញករណីអ្នកកើតជំងឺកូវីដ១៩ ថ្មី២ករណីទៀត នៅឯអាកាសយានដ្ឋាន ដែលបានមកពីអ៊ីតាលី។
អ្នកធ្វើដំណើរទាំង២នាក់ ជាជនជាតិចិនមកពីខេត្ត Fujian ដែលមកដល់ព្រលានយន្តហោះ Pudong ក្រោយពីហោះចេញពីក្រុង Bologna ប្រទេសអ៊ីតាលី ជាមួយនឹងការឈប់ដូរជើងយន្តហោះនៅ Moscow។
ពួកគេទាំងពីរបានបង្ហាញរោគសញ្ញាជំងឺកូវីដ១៩ នៅពេលមកដល់ ហើយត្រូវបានបញ្ជូនទៅមន្ទីរពេទ្យ ដើម្បីធ្វើតេស្ត។ ពួកគេត្រូវបានបញ្ជាក់ថា បានឆ្លងមេរោគនៅព្រឹកថ្ងៃអង្គារ។ ពេលនេះ អាជ្ញាធរសុខាភិបាលកំពុងស្វែងរកអ្នកដែលបានមកជិតអ្នកជំងឺទាំងពីរនាក់។ រហូតមកដល់ពេលនេះ មានទំនាក់ទំនងចំនួន១៩ ត្រូវបានដាក់ឱ្យនៅដាច់ពីគេ។
អ្នកដែលទៅដល់សៀងហៃ ពីបណ្តាប្រទេសដែលរងការវាយប្រហារដោយវីរុសនេះត្រូវស្ថិតនៅដាច់ពីគេរយៈពេល ១៤ ថ្ងៃ។ គោលនយោបាយផ្សេងទៀត បានចូលជាធរមាននៅពេលដែលប្រទេសចិន បានផ្លាស់ប្តូរការផ្តោតអារម្មណ៍របស់ខ្លួនពីករណីជំងឺឆ្លងវីរុសនៅក្នុងប្រទេសទៅអ្នកដែលបានមកពីបរទេស។
កាលពីសប្តាហ៍មុនយ៉ាងហោចណាស់ មានជនជាតិចិនចំនួន ៨នាក់បានចុះចតនៅឯព្រលានយន្តហោះ Pudong ពីប្រទេសអ៊ីតាលី ហើយបានឆ្លងកាត់ការពិនិត្យរកមេរោគឆ្លងមុនពេលទៅដល់ស្រុកកំណើតរបស់ពួកគេក្នុងខេត្ត Zhejiang ហើយធ្វើតេស្តរកមេរោគ៕ ដកស្រង់ចេញពីវេបសាយ ៖ shanghai (កែសម្រួលដោយ ៖ បុប្ផា)
ចែករំលែកព័តមាននេះ