ចិន៖ ស្ត្រីជនជាតិចិនម្នាក់ត្រូវបានក្រុមអូតេសឃាត់ឱ្យនៅអង្គុយលើកៅអីជាប់ ក្រោយពីបានក្អកដាក់អូតេសលើយន្តហោះជើងហោះហើរក្រុមហ៊ុន Thai Airways ក្នុងអាកាសយានដ្ឋានសៀងហៃ ។
រូបភាពពីខាងក្នុងនៃការហោះហើរពីទីក្រុងបាងកក ទៅសៀងហៃកាលពីថ្ងៃសុក្រ បានបង្ហាញពីអូតេសជាបុរសម្នាក់ ឈរចាប់ស្ត្រីជនជាតិចិន ដែលបានរើទារងើបចេញពីកៅអី ។ អូតេសផ្សេងៗទៀត បានមកប្រាប់នាងឱ្យអង្គុយចុះឱ្យស្រួល ក្នុងអាកប្បកិរិយាទន់ភ្លន់។
ឧប្បត្តិហេតុនេះ បានកើតឡើង បន្ទាប់ពីការហោះហើរបានចុះចតនៅអាកាសយានដ្ឋានអន្តរជាតិពូឌុងរបស់ទីក្រុងសៀងហៃ ប៉ុន្តែអ្នកដំណើរត្រូវរង់ចាំនៅលើយន្តហោះរយៈពេល៧ម៉ោង ដោយសារតែនីតិវិធីពិនិត្យរកមើលមេរោគនេះរឹតបន្តឹង បណ្តាលឱ្យមានការរង់ចាំយូរនៅឯព្រលានយន្តហោះ។
យោងតាមអ្នកដំណើរដែលបានបង្ហោះវីដេអូនេះបានឱ្យដឹងថា ដោយសារតែស្ត្រីជនជាតិចិននោះចង់បើកទ្វារយន្តហោះ ប្រញាប់បានចូលធ្វើតេស្ត ទើបនាងក្អកដាក់អូតេស។ តែការធ្វើដូចនេះ មិនបានសម្រេចដូចគោលបំណងនោះទេ ៕ ប្រភពពី ៖ shanghai.ist
ចែករំលែកព័តមាននេះ