ខាងក្រោមនេះ យើងខ្ញុំនឹងបង្ហាញអ្នកពីរបៀបដែលបុរសបញ្ជាក់ការស្រឡាញ់របស់គេចំពោះអ្នក។ តើមានអ្វីខ្លះទៅ?
១-នៅពេលដែលគេចូលចិត្តនិយាយរឿងក្នុងផ្ទះរបស់គេឲ្យអ្នកស្តាប់ មានន័យថា អ្នកសំខាន់ចំពោះគេណាស់ ព្រោះជាធម្មតា រឿងក្នុងផ្ទះ គេមិនសូវនិយាយប្រាប់អ្នកក្រៅឡើយ។ ដូចនេះ បើគេនិយាយឲ្យអ្នកស្តាប់ អាចបង្ហាញថាគេស្រឡាញ់អ្នកណាស់។
២-នៅពេលដែលអ្នកចង់ដឹងពីរឿងស្នេហាចាស់របស់គេ ហើយគេព្រមប្រាប់អ្នកទាំងអស់ មានន័យថា គេស្រឡាញ់អ្នកខ្លាំង ទើបគេមិនចង់លាក់នឹងអ្នក ហើយបែរជាប្រាប់អ្នកអស់។ ដូចនេះ គេជាបុគ្គលដែលមានភាពស្មោះត្រង់ណាស់។
៣-ប្រសិនជាគេនិយាយរឿងអនាគតជាមួយអ្នក ហើយលើកឡើងពីអនាគតអ្នកជាមួយនឹងគេ នោះអាចបង្ហាញថាគេពិតជាទុកអ្នកសំខាន់ណាស់ ហើយចង់ដើរជាមួយអ្នកដល់ចាស់ ទើបគេលើករឿងអនាគតមកនិយាយ។
៤-បើគេតែងលើកឡើងពីពេលវេលានៃការរៀបការ មានន័យថា គេពិតជាចង់ដើរចូលជីវិតអាពាហ៍ពិពាហ៍ជាមួយអ្នក ទើបគេតែងនិយាយរឿងមួយនេះ។ ដូចនេះ ប្រសិនជាអ្នកជួបនឹងបុរសបែបនេះ អ្នកអាចយកគេធ្វើជាគូអនាគតរបស់អ្នកបានហើយ ព្រោះគេពិតជាស្រឡាញ់អ្នកខ្លាំងណាស់ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ