ផ្លូវដើរឆ្ពោះទៅរកភាពជោគជ័យមិនមានរូបរាងដូចៗគ្នាទេ ហើយមានកត្តាសំខាន់ៗជាច្រើនដែលអាចជះឥទ្ធិពលលើវាបាន ។ យោងទៅតាមការសិក្សាមួយដែលត្រូវបានផ្សព្វផ្យាយដោយ Busniess Comparision បានឲ្យដឹងថា កត្តាមួយចំនួនដូចជាភេទ ជាតិសាសន៍ និងកម្រិតការអប់រំ គឺមិនតែងតែប៉ះពាល់ដល់ឱកាសរបស់មនុស្សម្នាក់ក្នុងការក្លាយជាមនុស្សជោគជ័យទេ ។ ផ្ទុយមកវិញមនុស្សដែលជោគជ័យ និងមានតំណែងធំៗក្នុងជំនាន់ថ្មីភាគច្រើនជាមនុស្សដែលមានចំណុចខាងក្រោមនេះ៖
១. ប្រជាប្រិយភាពក្នុងសង្គម ចំណុចនេះជាចំណុចថ្មីមួយដែលទើបតែត្រូវបានរាប់បញ្ចូលក្នុងសម័យកាលប្រព័ន្ធសង្គមនេះ ។ មកដល់ខែកុម្ភៈ ឆ្នាំ ២០២០ នាយកប្រតិបត្តិដែលមានអ្នក Follower លើប្រព័ន្ធសង្គមច្រើនជាងគេ គឺអ្នកស្រី ខាយលី ជេននើ (Kylie Jnner) លោក ម៉ាក ហ្សាក់កាបឺក (Mark Zuckerberg) និងលោកធីម ឃុក (Fim Cook) ។
ជាទូទៅ ស្ត្រីទទួលបានការគាំទ្រច្រើនជាងបុរសលើប្រព័ន្ធសង្គម ហើយស្ត្រីដែលជាបុគ្គលដែលជោគជ័យ និងមានការគាំទ្រយ៉ាងខ្លាំងលើប្រព័ន្ធសង្គមមានដូចជា ខាយលី ជេននើ, ហ៊ូដា កាថាន (Huda Kattan), ខារ៉ូលីន ម៉ាកខល (Carolyn McCall) និង ហ្វេនសេស្កា បេលេទីនី (Fancesca Bellettini) ជាដើម ។
២. អ្នកនៅវ័យក្មេង មនុស្សកាន់តែច្រើនជុំវិញពិភពលោកបានចាប់ផ្តើមប្រឡូកក្នុងវិស័យអាជីវកម្មតាំងពីនៅវ័យក្មេង ។ ឧទាហរណ៍ដែលល្អបំផុតសម្រាប់ចំណុចនេះ គឺអ្នកស្រី ខាយលី ជេននើ ដែលមានអាយុត្រឹមតែ ២១ឆ្នាំជាដើមដែលជានាយកប្រតិបត្តិវ័យក្មេង និងមានភាពជោគជ័យជាងគេ ។
យ៉ាងណាក្តី ការសិក្សាខាងលើបានប្រទះឃើញថា បុគ្គលដែលជោគជ័យខាងលើភាគច្រើនទទួលបានការអប់រំពីសាកលវិទ្យាល័យល្បីៗដូចជា Harvard University ដែលបានបង្រៀននាយកប្រតិបត្តិជោគជ័យច្រើនជាងគេ បន្ទាប់មកគឺ Princeton និង Wharton School នៅ University of Pennsylvania ជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ