តាមប្រភពព័ត៌មាន Shanghaiist បានឱ្យដឹងថា កាលពីខែមុនចំនួនករណីឆ្លងវីរុសថ្មីដែលត្រូវបានរាយការណ៍ក្នុងមួយថ្ងៃៗ នៅប្រទេសចិនមានប្រហែល ៣០០០នាក់ ។ ឥឡូវវាចុះមកត្រឹម ៤០នាក់ក្នុងមួយថ្ងៃ (កាលពីថ្ងៃអាទិត្យ) ។ អស់រយៈពេលជាច្រើនសប្តាហ៍ ស្ថិតិផ្លូវការរបស់ប្រទេសចិនបានបង្ហាញពីការរីករាលដាលនៃជំងឺ Covid19 ដោយបានថយចុះនូវការឆ្លងថ្មីចំនួន ១០០០នាក់រៀងរាល់ថ្ងៃ នៅថ្ងៃទី២១ ខែកុម្ភៈ និងក្រោម ១០០នាក់ នៅកាលពីចុងសប្តាហ៍មុន ។
ក្នុងចំណោមករណីថ្មីទាំង៤០ ដែលបានរាយការណ៍កាលពីថ្ងៃអាទិត្យ មាន៤ករណីត្រូវបានរាយការណ៍នៅក្នុងខេត្ត Gansu ខណៈដែលនៅសល់ត្រូវបានរាយការណ៍នៅក្នុងខេត្ត Hubei ដែលជាចំណុចកណ្តាលនៃការផ្ទុះវីរុស Covid-19 ។
ប្រទេសចិនក៏បានរាយការណ៍ផងដែរថា មានអ្នកបាត់បង់ជីវិតថ្មី ២២នាក់ កាលពីថ្ងៃអាទិត្យ ។ កម្រិតទាបបំផុតដែលមានតាំងពីដំបូងនៅក្នុងការរីករាលដាល ។ យើងអាចប្រៀបធៀបតួលេខទាំងនោះទៅនឹងចំនួនវីរុសឆ្លងនៅប្រទេសដទៃទៀតជុំវិញពិភពលោកនាពេលបច្ចុប្បន្ននេះ ៖
១. នៅប្រទេសអ៊ីតាលីចំនួនអ្នកបាត់បង់ជីវិតបានកើនឡើងជាង ៥០% ដល់ ៣៦៦នាក់ ដោយរដ្ឋាភិបាលឥឡូវមានគម្រោងបិទតំបន់ធំៗ នៅភាគខាងជើងប្រទេស ។
២. ប្រទេសកូរ៉េខាងត្បូងបានបញ្ជាក់ពីករណីថ្មីចំនួន ៩៦ករណីបន្ថែមទៀត ដែលធ្វើឱ្យចំនួនទូទាំងប្រទេសកើនដល់ ៧៤៧៨នាក់ ។
៣. ប្រទេសអាឡឺម៉ង់បានបញ្ជាក់ពីករណីថ្មីចំនួន ២៥៦ករណីផ្សេងទៀត ដែលបង្កើនចំនួនជាតិរបស់ប្រទេសនេះឡើងដល់ ១១១២នាក់ ។
៤. ប្រទេសបារាំងចំនួនអ្នកឆ្លងវីរុសឥឡូវនេះមានដល់ទៅជាង ១១០០នាក់ ដែលមានអ្នកស្លាប់ចំនួន១៩នាក់ ។
៥. សហរដ្ឋអាមេរិកមានអ្នកកើត Covid19 ចំនួន ៥៦៥នាក់ ៕
ចែករំលែកព័តមាននេះ