អង្គការសុខភាពពិភពលោក ៖ យោងតាមរបាយការណ៍នៃសភាពការណ៍ប្រចាំថ្ងៃ ស្ដីពីការឆ្លងរាលដាលនៃវីរុសCOVID-19 ចេញផ្សាយនាថ្ងៃទី៨ មីនា ដោយអង្គការសុខភាពពិភពលោក WHOថា ចំនួនសរុបនៃអ្នកឆ្លងវីរុសនោះ ឡើងដល់១០៥.៥៨៦នាក់ហើយ…
អង្គការសុខភាពពិភពលោក ៖ យោងតាមរបាយការណ៍នៃសភាពការណ៍ប្រចាំថ្ងៃ ស្ដីពីការឆ្លងរាលដាលនៃវីរុសCOVID-19 ចេញផ្សាយនាថ្ងៃទី៨ មីនា ដោយអង្គការសុខភាពពិភពលោក WHOថា ចំនួនសរុបនៃអ្នកឆ្លងវីរុសនោះ ឡើងដល់១០៥.៥៨៦នាក់ហើយ លើពិភពលោក ។
របាយការណ៍នោះ បញ្ជាក់ថា ចំនួនសរុបនៃអ្នកឆ្លងមាន១០៥.៥៨៦នាក់ លើពិភពលោក គិតត្រឹមថ្ងៃទី៨មីនា វេលាម៉ោង១០ម៉ោងនៅក្រុងហ្សឺណែវ ជាមួយអ្នកឆ្លងថ្មី៣.៦៥៦នាក់ដែលជំរឿនឃើញ២៤ម៉ោងចុងក្រោយនេះ ។
នៅក្រៅប្រទេសចិនមានអ្នកឆ្លងសរុប២៤.៧២៧នាក់ ជាមួយអ្នកឆ្លងថ្មី៣.៦១០នាក់ ត្រូវបានអះអាងក្នុងប្រទេសនិងដែនដី១០១ ដោយចំនួនអ្នកស្លាប់មាន៤៨៤នាក់ ជាមួយអ្នកស្លាប់ថ្មី៧១នាក់ ។ ប្រទេសប៊ុលហ្គារី កូស្តាតារីកា ម៉ាល់ឌីវ និងម៉ាលត៍ ស្ថិតក្នុងចំណោមប្រទេសនិងដែនដី ដែលប្រកាសថាមានអ្នកឆ្លងវីរុសនេះលើកដំបូងរយៈពេល២៤ម៉ោងចុងក្រោយនេះ ។
ការឆ្លងរាលដាលនៃវីរុសនោះហាក់ដូចជាចុះថយខ្លាំងនៅចិន តែធ្ងន់ធ្ងរឡើងក្នុងប្រទេសជាច្រើន ។ បារាំងក្លាយជាប្រភពចម្លងថ្មីនៅអឺរ៉ុប ជាមួយអ្នកឆ្លង១៩១នាក់ហើយមនុស្ស៣នាក់ស្លាប់ ។ ក្នុងសហភាពអឺរ៉ុបតាមតុល្យការចុងក្រោយមួយថា មានអ្នកឆ្លង២.១០០នាក់ ក្នុងប្រទេស១៨ជាសមាជិក ។
ចែករំលែកព័តមាននេះ