រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើទៅកាន់គ្រូពេទ្យដែលជាអ្នករងចាំលើកទូរស័ព្ទពីការរាយការណ៍ពីប្រជាពលរដ្ឋពាក់ព័ន្ធនឹងជំងឺកូវីដ១៩ ត្រូវធ្វើការ២៤ម៉ោងលើក២៤ម៉ោង ហើយកុំរុញដាក់គ្នា ។ សម្តេចតេជោ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើទៅកាន់គ្រូពេទ្យដែលជាអ្នករងចាំលើកទូរស័ព្ទពីការរាយការណ៍ពីប្រជាពលរដ្ឋពាក់ព័ន្ធនឹងជំងឺកូវីដ១៩ ត្រូវធ្វើការ២៤ម៉ោងលើក២៤ម៉ោង ហើយកុំរុញដាក់គ្នា ។ សម្តេចតេជោ បានថ្លែងក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យវ៉ានដា នាព្រឹកថ្ងៃទី១០ ខែមីនានេះយ៉ាងដូច្នេះថា ៖«គ្រូពេទ្យអ្នកលើកទូរស័ព្ទ (១១៥) ពាក់ព័ន្ធជំងឺកូវីដ១៩ ត្រូវធ្វើការ២៤ម៉ោង២៤ម៉ោង ហើយកុំរុញដាក់អ្នកនេះ អ្នកនោះ ពោល គឺត្រូវតាមដាន និងរកទីតាំងដែលអ្នករាយការណ៍នោះឲ្យបានច្បាស់លាស់» ។
សម្តេចគូសបញ្ជាក់ថា ៖«ខ្ញុំស្នើឲ្យរដ្ឋមន្ត្រីក្រសួងសុខាភិបាលចាត់តាំងមនុស្សដែលមានសមត្ថភាពក្នុងការកាន់ទូរស័ព្ទលេខ១១៥ ប្រចាំការ ។ ខ្ញុំឃើញគេបង្ហោះលើហ្វេសប៊ុកថា គេបានហៅទៅកន្លែងមួយហើយកន្លែងប្រាប់ថាទៅទាក់ទងទៅកមន្លែងនោះ ហើយកន្លែងនោះថា ទៅទាក់ទងទៅកន្លែងនោះ ហើយឆ្លើយដាក់គ្នា ។ អីញ្ចឹងទេសុំពង្រឹងសមត្ថភាពជាបន្ទាន់ ចំពោះអ្នកប្រចាំកុំឲ្យគេតេមកមិនលើក ហើយរុញដាក់ទៅនេះទៅនោះ» ។
សម្តេចបន្តថា ត្រូវពង្រឹងសមត្ថភាពដោយត្រូវប្រចាំការ២៤ម៉ោងលើ២៤ម៉ោងក្នុងការឆ្លើយតបនៅពេលទូរស័ព្ទរោទិ៍ ។ មិនត្រូវពេលគេមកសួរហើយឲ្យគេទៅរកកន្លែងផ្សេងនោះទេ គឺខ្លួនត្រូវតែធ្វើការទាក់ទងទៅដើម្បីឲ្យគេទៅពិនិត្យមនុស្សនោះយ៉ាងម៉េច ។ សម្តេចបន្ថែមថា ត្រូវពង្រឹងសមត្ថភាពឲ្យទាន់ពេលចំពោះសេវានឹង ដើម្បីកុំប្រជាពលរដ្ឋព្រួយបារម្ភឲ្យសោះ ។
ជាមួយគ្នានោះដែរ សម្តេចតេជោក៏បានលើកឡើងថា សម្តេចសុំកុំមានការរើសអើងអ្នកនៅសៀមរាបឲ្យសោះដែលចំណុចនេះ គឺជាចំណុចគ្រោះថ្នាក់ជាងនេះមិនហានធ្វើដំណើរទៅកាន់ខេត្តសៀមរាបទាំងការដើរកម្សាន្ត ។ សម្តេចថា ៖«សុំកុំឲ្យមានការរើសអើងឲ្យសោះ ចំពោះជនជាតិខ្មែរយើង ។ យើងគ្រាន់តែមិនអើងជនបរទេសផ្សេងទៀត ប៉ុន្តែយើងត្រូវតែពិនិត្យឲ្យបានល្អនៅតាមទីព្រលានយន្តហោះ ។
សម្តេចក៏បានលើកឡើងថា មនុស្ស២២នាក់ ដែលបុរសប៉ះពាល់ជាមួយបុរសម្នាក់អាយុ៣៨ឆ្នាំត្រូវបានយកសំណាក់វិភាគដែលលទ្ធផលមិនមានរោគសញ្ញាវីរុសកូវីដ១៩នោះទេ ។ សម្តេចបានបន្តថា ពេលនេះបុរសម្នាក់នេះមានសុខភាពធម្មតា ហើយត្រូវបានដាក់ឲ្យនៅដាច់ដោយឡែកពីគេ ដើម្បីធ្វើការព្យាបាលឲ្យជាសះស្បើយ ។ ពេលនេះគ្រូពេទ្យកំពុងធ្វើការស្វែងរកអ្នកដែលប៉ះពាល់ និងជាមួយបុរសនោះ និងជនជាតិជប៉ុន ដែលឆ្លងជំងឺកូវីដ១៩នេះ ដើម្បីយកសំណាកមកវិភាគស្វែងករកជំងឺកូវីដ១៩នេះ ៕
ចែករំលែកព័តមាននេះ