រាជធានីភ្នំពេញ ៖ ស្ត្រីម្នាក់ទើបមកពីទិញម្ហូបយកទៅផ្ញើកូន ស្រាប់តែរថយន្តធន់ធំមួយគ្រឿងបើកកៀរហើយកិន បណ្តាលអោយស្ត្រីរងគ្រោះបោកក្បាលបាត់បង់ជីវិតភ្លាមៗនៅនឹងកន្លែង ចំណែករថយន្តបើកគេចបាត់ស្រមោល។ ហេតុការណ៍ខាងលើនេះបានកើតឡើងកាលពីវេលាម៉ោង៦និង៣០នាទីយប់ថ្ងៃទី៩ ខែមីនា ឆ្នាំ២០២០ នៅចំណុចក្បែរនឹងស្ថានីយទូរទស្សន៍មួយ…
រាជធានីភ្នំពេញ ៖ ស្ត្រីម្នាក់ទើបមកពីទិញម្ហូបយកទៅផ្ញើកូន ស្រាប់តែរថយន្តធន់ធំមួយគ្រឿងបើកកៀរហើយកិន បណ្តាលអោយស្ត្រីរងគ្រោះបោកក្បាលបាត់បង់ជីវិតភ្លាមៗនៅនឹងកន្លែង ចំណែករថយន្តបើកគេចបាត់ស្រមោល។
ហេតុការណ៍ខាងលើនេះបានកើតឡើងកាលពីវេលាម៉ោង៦និង៣០នាទីយប់ថ្ងៃទី៩ ខែមីនា ឆ្នាំ២០២០ នៅចំណុចក្បែរនឹងស្ថានីយទូរទស្សន៍មួយ តាមបណ្តោយផ្លូវមហាវិថីឈ្នះឈ្នះ ស្ថិតនៅក្នុងសង្កាត់បាក់ខែង ខណ្ឌជ្រោយចង្វារ ។
ស្ត្រីរងគ្រោះខាងលើឈ្មោះ ប៉ោ ចន្ថា អាយុ៤១ឆ្នាំ ស្នាក់នៅភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម ជាអ្នកបើកបរម៉ូតូមួយគ្រឿងម៉ាកហ្ស៊ូមមើ អិច (Zoomer-X) ពណ៌ខៀវ ពាក់ស្លាកលេខ ភ្នំពេញ ១FB-៨១០៦ ។ ស្ត្រីរងគ្រោះមានកូនចំនួន២នាក់ កូនប្រុសច្បងអាយុ៧ឆ្នាំ រីឯកូនប្អូនស្រីអាយុ៤ឆ្នាំ ។ ចំណែករថយន្តធុនធុនមួយគ្រឿងខាងលើ មិនស្គាល់ម៉ាក អ្នកបើកបរមិនស្គាល់អត្តសញ្ញាណ ។
តាមប្រភពព័ត៌មានជុំវិញកន្លែងកើតហេតុបានអោយដឹងថា មុនពេលកើតហេតុ ស្ត្រីរងគ្រោះបើកបរម៉ូតូមួយគ្រឿងតាមបណ្តោយផ្លូវមហាវិថីឈ្នះឈ្នះក្នុងទិសដៅពីលិចទៅកើត លុះមកដល់ចំណុចកើតហេតុខាងលើនេះ ស្រាប់តែមានរថយន្តធន់ធំមួយគ្រឿង ប៉ុន្តែមិនចាំម៉ាកនោះទេបានបើកកៀរ ហើយកិនស្ត្រីរងគ្រោះ បណ្តាលអោយដួលបោកក្បាលបាត់បង់ជីវិតភ្លាមៗនៅកន្លែងកើតហេតុ រីឯម៉ូតូខូចខាតតិចតួចគ្រាន់តែវៀចកញ្ចក់ម៉ូតូតែប៉ុណ្ណោះ ចំណែករថយន្តបង្កវិញបានព្យាយាមបើកគេចបាត់ស្រមោល ។
ក្រោយកើតហេតុ សមត្ថកិច្ចបានមកដល់ទីតាំងកន្លែងកើតហេតុ ពិនិត្យមើលទៅឃើញនៅលើម៉ូតូរបស់ជនរងគ្រោះទើបតែទិញអីវ៉ាន់និងម្ហូបយកទៅផ្ញើកូន ក្នុងពេលនោះដែរក៏មានជនឆ្លៀតឱកាសមកលួចយកខ្សែដៃខ្សែកយកទៅបាត់ នៅសល់តែទូរស័ព្ទដៃមួយគ្រឿងសំរាប់សមត្ថកិច្ចទាក់ទងរកក្រុមគ្រួសារតែប៉ុណ្ណោះ ។
បច្ចុប្បន្ន ស្ត្រីរងគ្រោះដែលបាត់បង់ជីវិតត្រូវបានសមត្ថកិច្ចប្រគល់ទៅអោយសាច់ញាតិ ដើម្បីយកទៅធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ