មេដឹកនាំល្អជាមេដឹកនាំដែលមានសមត្ថភាពខ្ពស់ មានបទពិសោធច្រើន ជាពិសេសជាបុគ្គលមានលក្ខណសម្បត្តិ១០យ៉ាងដោយបរិបូណ៌ ។ ១- ជាមនុស្សយល់ពីកិច្ចការនានា មានបទពិសោធក្នុងការងារយូរ ។ ២- ជាមនុស្សមានការទទួលខុសត្រូវខ្ពស់…
មេដឹកនាំល្អជាមេដឹកនាំដែលមានសមត្ថភាពខ្ពស់ មានបទពិសោធច្រើន ជាពិសេសជាបុគ្គលមានលក្ខណសម្បត្តិ១០យ៉ាងដោយបរិបូណ៌ ។
១- ជាមនុស្សយល់ពីកិច្ចការនានា មានបទពិសោធក្នុងការងារយូរ ។
២- ជាមនុស្សមានការទទួលខុសត្រូវខ្ពស់ មានការគោរពច្បាប់ធំ ។
៣- មានចំណេះវិជ្ជាខ្ពស់ ស្គាល់បញ្ហា ស្គាល់សេចក្តីត្រូវការរបស់សង្គម ។
៤- ជាអ្នកដឹងពីគោលច្បាប់ ទាំងច្បាប់ជាតិ និងអន្តរជាតិ ។
៥- ជាអ្នកវៃឆ្លាតពូកែក្នុងការរម្ងាប់អធិករណ៍ ជម្លោះទាស់ទែងគ្នាក្នុងសង្គម ។
៦- ជាអ្នកស្រឡាញ់ការចេះដឹង ស្រឡាញ់ការពិត ចេះស្តាប់ ចេះនិយាយ ចេះពិភាក្សា ។
៧- ជាអ្នកដែលមិនលោភលន់ មិនចង់បានឲ្យហួសឋានៈខ្លួន ។
៨- ជាអ្នកដែលមានសុខភាពបរិបូណ៌ និងមិនងាយខឹងក្រោធ ។
៩- មានកិរិយាមារយាទគួរឲ្យជ្រះថ្លា មានសុជីវធម៌ សីលធម៌មិនឆ្គង ។
១០- ជាអ្នកមានបញ្ញាច្រើន មិនញាប់ញ័រក្នុងលាភ យសឡើយ ។
លក្ខណសម្បត្តិទាំងដប់យ៉ាងនេះជាទិសដៅនាំជីវិតទៅរកភាពជោគជ័យ ។ សាន សារិន
ចែករំលែកព័តមាននេះ