ខេត្តព្រះសីហនុ ៖ សេចក្តីរាយការណ៍ឲ្យដឹងថា កាលពីថ្ងៃទី៥ ខែមីនាកន្លងទៅ កម្លាំងនគរបាលខេត្ត បានធ្វើការស្រាវជ្រាវបង្ក្រាបនិងចាប់ខ្លួនជនជាតិចិនចំនួន៣នាក់ ពាក់ព័ន្ធនឹងករណីចាប់ជនជាតិចិនដូចគ្នាបង្ខាំងជំរិតទារប្រាក់១មុឺន ដុល្លារអាមេរិក ។…
ខេត្តព្រះសីហនុ ៖ សេចក្តីរាយការណ៍ឲ្យដឹងថា កាលពីថ្ងៃទី៥ ខែមីនាកន្លងទៅ កម្លាំងនគរបាលខេត្ត បានធ្វើការស្រាវជ្រាវបង្ក្រាបនិងចាប់ខ្លួនជនជាតិចិនចំនួន៣នាក់ ពាក់ព័ន្ធនឹងករណីចាប់ជនជាតិចិនដូចគ្នាបង្ខាំងជំរិតទារប្រាក់១មុឺន ដុល្លារអាមេរិក ។
ជនទាំង៣នាក់នេះ សុទ្ធតែប្រកបរបរចងការប្រាក់ និងពុំមានលិខិតឆ្លងដែនទេ ស្នាក់នៅភូមិ១ សង្កាត់លេខ២ ក្រុងព្រះសីហនុ ដែលរួមមាន ៖ ១-ឈ្មោះ Xiong Jian Wei ភេទប្រុសអាយុ៥០ឆ្នាំ ។ ២-ឈ្មោះ Wei Ming Hui ភេទប្រុស អាយុ ៤៣ឆ្នាំ ។៣-ឈ្មោះ Hu Zi Neng ភេទប្រុស អាយុ ២២ឆ្នាំ ។ ចំណែកស្ត្រីរងគ្រោះឈ្មោះ Liu Li Juan អាយុ២៨ឆ្នាំ ជាជនជាតិចិនដូចគ្នា ជាអ្នកទេសចរ ស្នាក់នៅភូមិ១ សង្កាត់លេខ៣ ក្រុងព្រះសីហនុ ។
សេចក្តីរាយការណ៍ឲ្យដឹងទៀតថា កាលពីថ្ងៃទី៥ ខែមីនា ឆ្នាំ២០២០ វេលាម៉ោងប្រហែល៤ និង៣០នាទីរសៀល មានបុរសជនជាតិចិនម្នាក់ទៅប្តឹងសមត្ថកិច្ចថា មានមិត្តភក្តិរបស់គាត់ម្នាក់ ភេទស្រី ជនជាតិចិន ត្រូវបានជនជាតិចិនមួយក្រុមចាប់បង្ខាំងទុកមិនដឹងនៅទីណាទេ ។
នៅពេលទទួលបានពាក្យបណ្តឹងនេះភ្លាម កម្លាំងនគរបាលព្រហ្មទណ្ឌ បានធ្វើការស្រាវជ្រាវយ៉ាងយកចិត្តទុកដាក់ រហូតកំណត់បានទីតាំងដែលជនសង្ស័យនាំជនរងគ្រោះទៅបង្ខាំងទុក គឺនៅបន្ទប់លេខ៤១៣ នៃសណ្ឋាគារក្វាងចូវ ស្ថិតក្នុងភូមិ១ សង្កាត់លេខ២ ក្រុងព្រះសីហនុ ។ កម្លាំងនគរបាលព្រហ្មទណ្ឌខេត្ត សហការជាមួយនគរបាលប៉ុស្តិ៍សង្កាត់លេខ២ បានទៅធ្វើរដ្ឋបាលឆែកឆេររំដោះបានជនរងគ្រោះ និងចាប់ឃាត់ខ្លួនជនសង្ស័យទាំង៣នាក់ខាងលើ នៅក្នុងបន្ទប់សណ្ឋាគារក្វាងចូវនោះ ។
មុនមានការចាប់បង្ខាំងនោះ គឺកាលពីថ្ងៃទី៣ ខែមីនា ឆ្នាំ២០២០ វេលាម៉ោងប្រហែល១០យប់ ស្ត្រីរងគ្រោះបានទៅលេងល្បែងនៅកាស៊ីណូស៊ីហ៊ូ ស្ថិតក្នុងភូមិ១ សង្កាត់លេខ៣ ក្រុងព្រះសីហនុ ហើយជនសង្ស័យបានលួងលោមជនរងគ្រោះឲ្យចងការប្រាក់ពីពួកគេចំនួន១មុឺនដុល្លារអាមេរិក ដើម្បីលេងល្បែងស៊ីសងនៅទីនោះ ។
លុះពេលលេងចាញ់អស់និងគ្មានលុយសង ក៏ត្រូវជនសង្ស័យចាប់យកទៅបង្ខាំងទុក ដើម្បីឲ្យក្រុមគ្រួសារឬមិត្តភក្តិ រកប្រាក់មកលោះជាថ្នូរនឹងការដោះលែងជនរងគ្រោះឲ្យមានសេរីភាពវិញ ។ នសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ