ក្រុងរ៉ូម ៖ ត្រឹមតែរយៈពេលមួយថ្ងៃប៉ុណ្ណោះ ចំនួនអ្នកស្លាប់ដោយសារវីរុសកូវីដ-១៩ នៅក្នុងប្រទេសអ៉ីតាលី មាន១៣៣នាក់ និងអ្នកឆ្លងវីរុសថ្មី បន្ថែម១,៤៩២ករណី ធ្វើឲ្យចំនួនសរុបនៅទូទាំងប្រទេសនេះ អ្នកឆ្លង…
ក្រុងរ៉ូម ៖ ត្រឹមតែរយៈពេលមួយថ្ងៃប៉ុណ្ណោះ ចំនួនអ្នកស្លាប់ដោយសារវីរុសកូវីដ-១៩ នៅក្នុងប្រទេសអ៉ីតាលី មាន១៣៣នាក់ និងអ្នកឆ្លងវីរុសថ្មី បន្ថែម១,៤៩២ករណី ធ្វើឲ្យចំនួនសរុបនៅទូទាំងប្រទេសនេះ អ្នកឆ្លង COVID-19 កើនឡើងដល់ ៧,៣៧៥ករណី និងអ្នកស្លាប់ ៣៦៦នាក់ នេះបើតាម CNA ចេញផ្សាយនៅថ្ងៃទី៩ មីនានេះ ។
ចំនួនអ្នកស្លាប់ នៅក្នុងប្រទេសអ៊ីតាលីនេះ បានវ៉ាដាច់ប្រទេសកូរ៉េខាងត្បូង ធ្វើឲ្យអ៊ីតាលី ក្លាយជាប្រទេស ដែលមានអ្នកស្លាប់ខ្ពស់បំផុត បន្ទាប់ពីប្រទេសចិន (ពោលគឺចំនួនអ្នកស្លាប់បានកើនឡើងជិត៣ដង ត្រឹមតែមួយថ្ងៃ) ។
ប្រជាជនអ៊ីតាលីមួយភាគបួន ត្រូវបានដាក់ឲ្យនៅដាច់ដោយឡែកពីគេ គឺនៅតែក្នុងផ្ទះ និងរារាំងប្រជាជនមិនអោយចូល ឬចាកចេញពីតំបន់រងគ្រោះខ្លាំង នៅភាគខាងជើងប្រទេស ដើម្បីទប់ស្កាត់ការរីករាលដាលនៃវីរុស COVID-19 នេះបើយោងតាមបម្រាមមួយចុះហត្ថលេខាដោយនាយករដ្ឋមន្ត្រីអ៊ីតាលី លោក Giuseppe Conte ត្រូវបានផ្សព្វផ្សាយនៅថ្ងៃអាទិត្យ ទី០៨ ខែមីនា(ម៉ោងក្នុងតំបន់) ។ វិធានការណ៍នេះ ត្រូវអនុវត្តរហូតដល់ថ្ងៃទី៣ ខែមេសា ខាងមុននេះ ៕
ចែករំលែកព័តមាននេះ