កម្ពុជាតវ៉ាជាមួយវៀតណាមរឿងការផ្សាយព័ត៌មានហាមពលរដ្ឋខ្មែរទៅវៀតណាមដោយសារតែកូរ៉ូណា
- ភ្នំពេញ
ខេត្តពោធិ៍សាត់ ៖ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសថា សម្តេចបានបញ្ជាទៅលោក ប្រាក់ សុខុន…
ខេត្តពោធិ៍សាត់ ៖ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសថា សម្តេចបានបញ្ជាទៅលោក ប្រាក់ សុខុន រដ្ឋមន្ត្រីក្រសួងការបរទេសកម្ពុជាឲ្យតវ៉ាជាមួយនឹងវៀតណាមជាបន្ទាន់ បន្ទាប់ពីមានសារព័ត៌មានវៀតណាមួយឈ្មោះ VNA បានចុះផ្សាយជាភាសាវៀតណាម និងភាសាអង់គ្លេសថា រឹតបណ្តឹងពលរដ្ឋមកពីអឺរ៉ុប និងកម្ពុជា ដែលការផ្សាយនោះហាក់បានចាត់ទុកប្រជាជនខ្មែរថា ជាមនុស្សចម្លែក។
សម្តេចតេជោបានបញ្ជាក់ថា «អញ្ចឹងខ្ញុំអត់ព្រមទេ ប្រើប្រាក់សុខុន តវ៉ា ជាមួយវៀតណាមភ្លាម» ។ សម្តេចតេជោ ហ៊ុន សែន បានបន្តថា ការផ្សព្វផ្សាយបែបនេះ ប្រៀបដូចជាដាក់ប្រទេសខ្ញុំទៅជាប្រទេសមានហានិភ័យចំពោះវៀតណាម ពាក់ព័ន្ធនឹងវីរុសកូវីដ ១៩ ។
សម្តេចបានបន្តថា បញ្ហានេះ បានដោះស្រាយពីម្សិលមិញ ក្រោយពីសម្តេចបញ្ជាលោក ប្រាក់ សុខុន ទាក់ទងស្ថានទូតវៀតណាមនៅកម្ពុជា ព្រោះសារព័ត៌មាន VNA មិនព្រមដកអត្ថបទនោះចេញទេ ខណៈគណៈការពារសុខភាពរបស់វៀតណាម អត់បាននិយាយឈ្មោះកម្ពុជា និងពីអឺរ៉ុបមួយម៉ាត់ តែបែរជាសារព័ត៌មានវៀតណាមផ្សាយជាភាសាវៀតណាមផង ជាភាសាអង់គ្លេសផង ដូចជាដាក់កម្ពុជាយើងចូលក្នុងបញ្ជីខ្មៅអញ្ចឹង។
សម្តេចតេជោ ហ៊ុន សែន បានបញ្ជាក់ប្រាប់ប្រជាជនកម្ពុជាកុំឲ្យភ័យខ្លាំងជ្រុលហួសហេតុពេក បើយើងភ័យខ្លាច ទៅព្យាបាលនៅវៀតណាម គេឲ្យយើងទៅទេ ថៃអត់ឲ្យទៅទេ ដូច្នេះត្រូវជឿជាក់លើសុខាភិបាលខ្មែរខ្លួនឯង ៕ (កែសម្រួលដោយ ៖ បុប្ផា)
ចែករំលែកព័តមាននេះ