ប្រមុខ​រាជរដ្ឋាភិបាល សម្ភោ​ធ​ផ្លូវ​លេខ​៥៥ និង​ផ្លូវ​លេខ​១០ ចំណាយ​ថវិកា​សាង​សង់​សរុប ១៣២.៨០ លាន​ដុល្លារ


រាជធានី​ភ្នំពេញ ៖ សម្តេច​តេ​ជោ ហ៊ុន សែន អញ្ជើញ​សម្ពោធ​ផ្លូវជាតិ​លេខ​៥៥ បើក​ការដ្ឋាន​សាង​សង់​ផ្លូវជាតិ​១០ នៅ​ខេត្តពោធិ៍សាត់ ដោយ​ផ្លូវ​នេះ​ចំណាយ​ថវិកា​សាងសង់​សរុប ១៣២.៨០ លាន​ដុល្លារ​អា​មេ​រិ​ក ជា​ហិរញ្ញប្បទាន​ពី​រដ្ឋាភិបាល​ចិន រួម​ជាមួយ​ថវិកាបដិភាគ​របស់​រាជរដ្ឋា​ភិបាល​។

នៅ​ព្រឹក​ថ្ងៃ​ទី​០៩ ខែមីនា ឆ្នាំ ២០២០ នេះ សម្ដេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា និង​លោ​ល វ៉ាង វិ​ន​ធៀន ឯកអគ្គរដ្ឋទូត​ចិន​ប្រចាំ​កម្ពុជា នឹង​អញ្ជើញ​សម្ពោធ​ដាក់​ឱ្យ​ប្រើប្រាស់​ផ្លូវជាតិ​លេខ​៥៥ ត​ភ្ជាប់​ពី​ផ្លូវជាតិ​លេខ​៥ ក្នុង​ទីរួមខេត្ត​ពោធិ៍​សាត់ ឆ្ពោះទៅ​កាន់​ព្រំដែន​ថ្មដា ជាប់​ជាមួយ​ខេត្ត​ត្រា​ត ប្រទេស​ថៃ និង​បើក​ការដ្ឋាន​សាងសង់​ផ្លូវជាតិ​១០ ត​ភ្ជាប់​ពី​សំឡូត ទៅ​ខេត្តកោះកុង​។

យោង​តាម​បណ្តាញ​សង្គម​របស់​សម្តេច​តេ​ជោ បាន​ឲ្យ​ដឹង​ថា ផ្លូវជាតិ​លេខ​៥៥ មាន​ប្រវែង​សរុប ១៨២.១៦​គីឡូម៉ែត្រ ត​ភ្ជាប់​ពី​ពោធិ៍សាត់ ឆ្លងកាត់​ស្រុក​វាល​វែង ទៅ​ដល់​ថ្មដា​ព្រំដែន​កម្ពុជា​-​ថៃ​។ ផ្លូវ​នេះ ចំណាយ​ថវិកា​សាងសង់​សរុប ១៣២.៨០ លាន​ដុល្លារ​អា​មេ​រិ​ក ជា​ហិរញ្ញប្បទាន​ពី​រដ្ឋា​ភិបាល​ចិន រួម​ជាមួយ​ថវិកាបដិភាគ​របស់​រាជរដ្ឋាភិបាល​កម្ពុជា សម្រាប់​ការ​ដោះស្រាយ​ផល​ប៉ះពាល់​នានា និង​ការ​បោសសម្អាត​គ្រាប់​មីន និង​យុទ្ធ​ភ័​ណ្ឌ​មិន​ទាន់​ផ្ទុះ​។

ទន្ទឹម​នឹង​ការ​ដាក់​ឱ្យ​ដំណើរការ​ផ្លូវជាតិ​លេខ​៥៥ ថ្ងៃនេះ សម្តេច​តេ​ជោ ហ៊ុន សែន និង លោក វ៉ាង វិ​ន​ធៀន នឹង​ប្រកាស​បើក​ការដ្ឋាន​សាងសង់​ផ្លូវ​មួយ​ខ្សែ​ថ្មី​ទៀត គឺ​ផ្លូវជាតិ​លេខ​១០ ដែល​ត​ភ្ជាប់​ពី​សំឡូត ខេត្តបាត់ដំបង ឆ្លង​វាល​វែង អូរ​សោម ខេត្តពោធិ៍សាត់ រហូត​ដល់​ខេត្តកោះកុង ដែល​មាន​ប្រវែង​សរុប ១៩៨.៧១​គីឡូម៉ែត្រ គ្រោង​ចំណាយ​ថវិកា​សរុប​ប្រមាណ ១៨៨.៣៨​លាន​ដុល្លារ​អា​មេ​រិ​ក ជា​ហិរញ្ញប្បទាន​ពី​រដ្ឋាភិបាល​ចិន រួម​ជាមួយនឹង​ថវិកាបដិភាគ​របស់​រាជ​រដ្ឋាភិបាល​កម្ពុជា​៕ (​កែសម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ