ប្រទេសចិន ៖ រហូតមកដល់រសៀលថ្ងៃទី៨ ខែមីនា នេះ ប្រតិបត្តិការជួយសង្គ្រោះកំពុងបន្តស្វែងរកជនរងគ្រោះក្រោមគំនរបាក់បែក នៃអគារសណ្ឋាគារមួយ ដែលបានបាក់រលំ កាលពីយប់ម្សិលមិញ ក្នុងទីក្រុង…
ប្រទេសចិន ៖ រហូតមកដល់រសៀលថ្ងៃទី៨ ខែមីនា នេះ ប្រតិបត្តិការជួយសង្គ្រោះកំពុងបន្តស្វែងរកជនរងគ្រោះក្រោមគំនរបាក់បែក នៃអគារសណ្ឋាគារមួយ ដែលបានបាក់រលំ កាលពីយប់ម្សិលមិញ ក្នុងទីក្រុង Quanzhou នៅខេត្ត Fujian ភាគខាងកើតប្រទេសចិន នេះបើតាមទីភ្នាក់ងារព័ត៌មាន ស៊ិនហួរ របស់ចិន ។
អាជ្ញាធរក្នុងតំបន់ បាននិយាយថា មនុស្ស៤នាក់ ត្រូវបានគេអះអាងថា បានស្លាប់នៅម៉ោង១០និង៣០នាទីព្រឹកថ្ងៃអាទិត្យនេះ (ម៉ោងក្នុងប្រទេសចិន) ។
សណ្ឋាគារ Xinjia បានបាក់រលំនៅម៉ោងប្រហែល៧ និង១៥នាទី យប់ថ្ងៃសៅរ៍ ទី៧ មីនា ។ ភ្លាមៗ មនុស្សប្រមាណ ៧១នាក់ បានជាប់ក្រោមគំនរ នៃអគារ ។ ក្រោយឧប្បត្តិហេតុនេះកើតឡើង ម្ចាស់អគារត្រូវបានដាក់ក្រោមការសើបអង្កេតរបស់ប៉ូលីស ។
នាព្រឹកថ្ងៃទី៨ មីនានេះ ក្រុមជួយសង្គ្រោះចិន បាននិយាយថា មនុស្សចំនួន១៦នាក់ទៀត ត្រូវបានជួយសង្គ្រោះចេញពីគំនរអគារ ក្នុងចំណោមជនរងគ្រោះ មានក្មេងប្រុសអាយុប្រហែល ២ឆ្នាំម្នាក់ ត្រូវបានគេទាញចេញពីគំនរបាក់បែក នាព្រឹកព្រលឹម ។ ឪពុកម្តាយរបស់ក្មេងប្រុសនេះ ក៏ត្រូវបានជួយសង្គ្រោះ និងបញ្ជូនទៅមន្ទីរពេទ្យផងដែរ ។ ក្មេងប្រុសវ័យជំទង់ម្នាក់ទៀត ត្រូវបានគេជួយសង្គ្រោះ នៅម៉ោងប្រហែល១១និង ២៤នាទី ព្រឹកថ្ងៃដដែលនេះ ។
បច្ចុប្បន្ន ក្រុមការងារជួយសង្គ្រោះកំពុងបន្តស្វែងរក និងជួយសង្គ្រោះជនរងគ្រោះនៅកន្លែងកើកហេតុ ។
សូមរម្លឹកថា បាក់រលំអគារកម្ពស់៥ជាន់ អាជ្ញាធរចិនប្រើសម្រាប់អ្នកឆ្លងវីរុស COVID-19
ចែករំលែកព័តមាននេះ