ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា មន្ទីរពេទ្យបង្អែកខេត្តសៀមរាប បានធ្វើការបដិសេធចោលទាំងស្រុងនូវការផ្សព្វផ្សាយខុសពីការពិតរបស់ម្ចាស់ Facebook ឈ្មោះ Chhun Vean Cnrp…
ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា មន្ទីរពេទ្យបង្អែកខេត្តសៀមរាប បានធ្វើការបដិសេធចោលទាំងស្រុងនូវការផ្សព្វផ្សាយខុសពីការពិតរបស់ម្ចាស់ Facebook ឈ្មោះ Chhun Vean Cnrp ដែលបានផ្សព្វផ្សាយថា បុរសវ័យ៣៨ឆ្នាំនៅខេត្តសៀមរាប ដែលរកឃើញថា មានផ្ទុកមេរោគ COVID-19 បានរត់ចេញពីកន្លែងព្យាបាលហើយ ។
មន្ទីរពេទ្យបង្អែកខេត្តសៀមរាប បានបញ្ជាក់ថា «បុរសដែលមានផ្ទុកមេរោគ COVID-19 បាននិងកំពុងតែស្ថិតនៅក្នុងបន្ទប់ដាច់ដោយឡែក នៅក្នុងមន្ទីរពេទ្យ ដោយមានសុខភាពល្អធម្មតា មិនបានរត់ទៅណាទេ។ មានតែអ្នករត់ចូលមករកពេទ្យ គ្មានអ្នកណាដែលរត់ចេញពីពេទ្យនោះទេ»។
សូមរម្លឹកថា រដ្ឋមន្ត្រីក្រសួងសុខាភិបាលលោក ម៉ម ប៊ុនហេង បានប្រកាសនៅសន្និសីទកាសែត កាលពីល្ងាចថ្ងៃទី០៧ ខែមីនានោះថា បុរសខ្មែរដំបូងគេម្នាក់ក្នុងចំណោមនាក់ ដែលបានប៉ះពាល់ផ្ទាល់ជាមួយជនជាតិជប៉ុន ដែលមានវីរុសកូរ៉ូណា ហើយបានរកឃើញថា មានផ្ទុកវីរុស កូវីដ-១៩ ផងដែរ ៕ (កែសម្រួលដោយ ៖ បុប្ផា)
ចែករំលែកព័តមាននេះ