តាមទ្រឹស្តីព្រះពុទ្ធសាសនាបានពន្យល់ថា អាសាឡ្ហបូជា ជាទិវាដ៏សំខាន់បំផុតលើសបណ្តាថ្ងៃបូជានានា ។ ទិវានេះត្រូវបានប្រារព្ធឡើងជារៀងរាល់ឆ្នាំនៅថ្ងៃ១៥កើត ខែអាសាឍ ។
ហេតុ៥យ៉ាងដែលនាំឲ្យមានទិវានេះរួមមាន ១-ព្រះពោធិសត្វទ្រង់ចុះចាប់បដិសន្ធិ ឬចាប់កំណើត ២-ព្រះសិទ្ធត្ថគោតម ទ្រង់ចេញសាងព្រះផ្នួស ៣-ព្រះសម្មាសម្ពុទ្ធជាម្ចាស់ ទ្រង់ចេញសម្តែងព្រះធម៌ដំបូង ហៅថា បឋមទេសនា គឺទ្រង់សម្តែងធម្មចក្រប្រោសជដិលទាំងប្រាំរូប បន្ទាប់ពីការត្រាស់ដឹងឬថាជាថ្ងៃកំណើតព្រះធម៌ ដែលព្រះពុទ្ធទ្រង់ប្រកាសសម្តែងដំបូងបំផុត ៤-ព្រះពុទ្ធជាម្ចាស់ទ្រង់ស្ថាបនាព្រះសង្ឃ និង៥- ព្រះដ៏មានព្រះភាគ ទ្រង់សម្តែងឫទ្ធិ ។
ហេតុទាំងប្រាំខាងលើនេះ សុទ្ធតែកើតឡើងក្នុងថ្ងៃ ១៥ កើត ខែអាសាឍ ។ ដូចនេះ ពុទ្ធបរិស័ទគប្បីបំពេញបុណ្យកុសលតាមសមគួរដល់ធម៌មាន ការឲ្យទាន ការរក្សាសីល និងការចម្រើនភាវនា ដើម្បីបង្កើនបុណ្យកុសលឲ្យកាន់តែច្រើន ។ សាន សារិន
ចែករំលែកព័តមាននេះ