រាជធានីភ្នំពេញ ៖ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញបានអោយដឹងថា ចំពោះករណីបុរសម្នាក់មានឈ្មោះ ដែន ផល្លី អាយុ៣៤ឆ្នាំ…
រាជធានីភ្នំពេញ ៖ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញបានអោយដឹងថា ចំពោះករណីបុរសម្នាក់មានឈ្មោះ ដែន ផល្លី អាយុ៣៤ឆ្នាំ មកពីខេត្តបន្ទាយមានជ័យ បានមកសម្រាកព្យាបាលជំងឺនៅមន្ទីរពេទ្យរុស្ស៊ី ថ្ងៃទី០៦ ខែមីនានេះ ដោយសារស្ថានភាពខ្សោយក៏បានដួលសន្លប់នៅក្នុងមន្ទីរពេទ្យរុស្ស៊ីនោះ ពុំមែនករណី Covid-19នោះទេ ។
លោក ម៉េត មាសភក្តី បានបញ្ជាក់ថា ពេលឃើញបុរសម្នាក់នេះសន្លប់ ស្រាប់តែមានអ្នកថតបង្ហោះ និងមានអ្នកបន្តចែកចាយបន្ថែមទៀត ។ អ្នកនាំពាក្យសាលាក្រុងភ្នំពេញបានអំពាវនាវ និងស្នើសុំដល់បងប្អូនប្រជាពលរដ្ឋមេត្តា កុំបន្ត ឬចែកចាយព័ត៌មានដែលមិនពិត ឬមិនមានប្រភពច្បាស់លាស់ដែលអាចនាំឲ្យបងប្អូនមានការយល់ច្រឡំ ៕
ចែករំលែកព័តមាននេះ