រាជធានីភ្នំពេញ ៖ មានសេចក្ដីរាយការណ៍ឱ្យដឹងថា កម្លាំងនគរបាលនាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ បានបើកប្រតិបត្តិការឆ្មក់ចូលបង្ក្រាបទីតាំងម៉ាស្សាមួយកន្លែងដោយចោទថា បានលួចបង្កប់សេវាផ្លូវភេទ ដែលអ្នកផងហៅថា ម៉ាស្សាហើយហើមសរសៃ ។…
រាជធានីភ្នំពេញ ៖ មានសេចក្ដីរាយការណ៍ឱ្យដឹងថា កម្លាំងនគរបាលនាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ បានបើកប្រតិបត្តិការឆ្មក់ចូលបង្ក្រាបទីតាំងម៉ាស្សាមួយកន្លែងដោយចោទថា បានលួចបង្កប់សេវាផ្លូវភេទ ដែលអ្នកផងហៅថា ម៉ាស្សាហើយហើមសរសៃ ។
ទីតាំងម៉ាស្សានេះ មានយីហោ«King Sora Massage» និងបានរំដោះនាងៗសាច់សខ្ចីជនជាតិវៀតណាមដែលពូកែម៉ាស្សាប្រេងថ្នមដៃប្រមាណ១០នាក់ ។ ការបង្ក្រាបនេះក៏ជិតដល់ថ្ងៃប្រារព្ធសិទ្ធិនារី៨ មីនា ផងដែរ ។
ប្រតិបត្តិការឆ្មក់បង្ក្រាបនេះ បានធ្វើឡើងនៅរសៀលថ្ងៃទី៥ ខែមីនា ឆ្នាំ២០២០ នៅទីតាំងហាងម៉ាស្សា នៅតាមបណ្ដោយផ្លូវ៣៥០ ក្នុងសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ ។
នារីៗទាំង១០នាក់ដែលរំដោះបាននេះ សុទ្ធតែជានារីជនជាតិវៀតណាម ដែលធ្វើការនៅទីនេះតែម្តង ហើយត្រូវបានបញ្ជូនទៅមន្ទីរសង្គមកិច្ច ដើម្បីចាត់ការបន្ត ដែលតាមមតិមហាជនបានសម្ដែងចេញថា ទីតាំងម៉ាស្សាទោះបីមានការបម្រើផ្លូវភេទខ្លះៗក៏ដោយ ក៏វាជាមណ្ឌលបម្រើឱ្យសុខភាពមនុស្សលោកដែលខានមិនបាន ។
កុំថាតែបុរសវ័យក្មេង វ័យចំណាស់ ដែលត្រូវម៉ាស្សាដើម្បីសុខភាព សូម្បីស្ត្រីភេទដែលភាគច្រើនវ័យចំណាស់ ក៏តែងទៅរកទីតាំងម៉ាស្សាស្ត្រីដូចគ្នាដើម្បីសុខភាពដែរ ។
ខ្លះសង្ស័យថា ក្រែងអ្នកចាប់ស្វែងរកផលប្រយោជន៍ណាមួយទេដឹង ? បើរាប់ទីតាំងម៉ាស្សាមានរាប់រយរាប់ពាន់…ម៉េចបានចាប់ចោះមួយៗ…អយុត្តិធម៌ទេដឹង ហេ! ហេ!
ចែករំលែកព័តមាននេះ