រាជធានីភ្នំពេញ ៖ ករណីអគ្គិភ័យដែលបានឆាបឆេះផ្ទះឡើងក្រហមច្រាល គឺត្រូវបានរលត់អស់ទាំងស្រុងវិញ នៅវេលា០១ និង៥០នាទីព្រឹកចូលថ្ងៃទី០៧ មីនា នេះ ដោយបានប្រើប្រាស់រថយន្តពន្លត់ភ្លើងអស់ជាច្រើនគ្រឿង ក្នុងនោះ…
រាជធានីភ្នំពេញ ៖ ករណីអគ្គិភ័យដែលបានឆាបឆេះផ្ទះឡើងក្រហមច្រាល គឺត្រូវបានរលត់អស់ទាំងស្រុងវិញ នៅវេលា០១ និង៥០នាទីព្រឹកចូលថ្ងៃទី០៧ មីនា នេះ ដោយបានប្រើប្រាស់រថយន្តពន្លត់ភ្លើងអស់ជាច្រើនគ្រឿង ក្នុងនោះ អ្វីដែលសោកស្តាយនិងជួយមិនទាន់នោះ គឺលោកយាយម្នាក់បានបាត់បង់ជីវិត ដោយសារគាត់មានវ័យជរារត់ចេញមិនរួច ។
សូមបញ្ជាក់ថា ហេតុការណ៍ឆេះ បានកើតឡើងកាលពីវេលាម៉ោង១០ និង៣០នាទីយប់ថ្ងៃទី០៦ មីនា ស្ថិតតាមបណ្តោយផ្លូវ៦៣ កែងផ្លូវ១៨០ ស្ថិតនៅចំណុចការិយាល័យព្រឹត្តិប័ត្រសារព័ត៌ និងបោះមុម្ភផ្សាយស្ថិតនៅក្នុងក្រុម៧៧ ភូមិ១២សង្កាត់ផ្សារថ្មី៣ ខណ្ឌដូនពេញ ។ គិតមកទលម៉ោង០៩ព្រឹកថ្ងៃដដែលនេះ មូលហេតុនៅមិនទាន់កំណត់ច្បាស់បាន ដោយសមត្ថកិច្ចកំពុងតែស្រាវជ្រាវ ។
តាមប្រភពពីសមត្ថកិច្ចបានអោយដឹងថា មុនពេលកើតហេតុ គឺមានប្រជាពលរដ្ឋបានខលមករាយការណ៍ទៅសមត្ថកិច្ចមូលដ្ឋាន ទើបមានការផ្អើលឆោឡោចុះមកអន្តាគមន៍ភ្លាម និងរថយន្តពន្លត់អគ្គិភ័យមកធ្វើការអន្តរាគមន៍បាញ់បានទាន់ពេលផងដែរ ។ ប៉ុន្តែដោយសារស្ថានភាពឆេះធ្ងន់ធ្ងរ និងទុស្សេខ្សែភ្លើង ផ្ទុះធុងហ្គេសជាបន្តបន្ទាប់គ្នាទៀតនោះ ទើបធ្វើឱ្យឆេះរាលដាលទៅផ្ទះដល់ដទៃទៀតរហូតដល់ចំនួន២៧ខ្នងត្រឹមរយៈជិតមួយម៉ោងប៉ុណ្ណោះ និងប្រើប្រាស់រថយន្តពន្លត់អគ្គីភ័យអស់ចំនួន២៥គ្រឿង ។
ព័ត៌មានបន្ថែម កោះសន្តិភាពនឹងមានផ្សាុយជូនបន្ត ។
ចែករំលែកព័តមាននេះ