ខេត្តព្រះសីហនុ ៖ អភិបាលខេត្តព្រះសីហនុបានប្រកាសប្រើវិធានការក្តៅ ដោយមិនមានការអនុញ្ញាតឲ្យមានកាសាងសង់ និងការដាក់តាំង ឬលក់ដូរនៅលើចិញ្ចើមផ្លូវទៀតទេ ។ យោងតាមបណ្តាញសង្គមរបស់រដ្ឋបាលខេត្តព្រះសីហនុឲ្យដឹងនៅថ្ងៃទី៧ មីនា យ៉ាងដូច្នេះថា៖«មិនអនុញ្ញាតឲ្យមានសំណង់…
ខេត្តព្រះសីហនុ ៖ អភិបាលខេត្តព្រះសីហនុបានប្រកាសប្រើវិធានការក្តៅ ដោយមិនមានការអនុញ្ញាតឲ្យមានកាសាងសង់ និងការដាក់តាំង ឬលក់ដូរនៅលើចិញ្ចើមផ្លូវទៀតទេ ។ យោងតាមបណ្តាញសង្គមរបស់រដ្ឋបាលខេត្តព្រះសីហនុឲ្យដឹងនៅថ្ងៃទី៧ មីនា យ៉ាងដូច្នេះថា៖«មិនអនុញ្ញាតឲ្យមានសំណង់ ឬការដាក់តាំង ឬលក់ដូរលើចិញ្ចើមផ្លូវតទៅទៀតនោះទេ ម្ចាស់អាជីវកម្មទាំងអស់ត្រូវរុះរើ និងបញ្ឈប់សកម្មភាពទាំងនេះ » ។
ប្រភពបន្តថា រដ្ឋបាលក្រុង សូមអំពាវនាវដល់បងប្អូនប្រជាពលរដ្ឋទាំងអស់ ដែលសង់សំណង់រំលោភលើផ្លូវសាធារណៈ ពិសេសបងប្អូនប្រជាពលរដ្ឋដែលយកចិញ្ចើមផ្លូវសាធារណៈ ទុកដាក់សម្ភារផ្សេងៗ និងលក់ដូរម្ហូបអាហារនៅអមសងខាងផ្លូវជាតិលេខ៤ (ចាប់ពីចំណុចផ្លូវចូលក្បាលឆាយ រហូតដល់មុខរោងចក្រស្រាបៀរអង្គរ) និងចិញ្ចើមផ្លូវនៅតំបន់ទំនប់រលកត្រូវរុះរើចេញ និងត្រូវបញ្ឈប់ការទុកដាក់សម្ភារផ្សេងៗ និងលក់ដូរម្ហូបអាហារនៅលើចិញ្ចើមផ្លូវសាធារណៈ ចាប់ពីថ្ងៃជូនដំណឹងនេះតទៅ ។
ជាមួយគ្នានោះតទៅរដ្ឋបាលក្រុងសង្ឃឹមជឿជាក់ថា បងប្អូនប្រជាពលរដ្ឋនឹងចូលរួមសហការ និងអនុវត្តតាមសេចក្តីជូនដំណឹងនេះ ដើម្បីឱ្យការស្ថាបនាផ្លូវបានរលូន និងសម្រេចជោគជ័យតាមការគ្រោងទុក ៕ កែសម្រួលដោយ ៖ សុឃាក់
ចែករំលែកព័តមាននេះ