ប្រហែលជាប្រាក់ដ៏ច្រើនសម្រាប់មនុស្សមួយចំនួនដែលមិនធ្លាប់ធ្វើការពេញម៉ោងពីមុនមក។ តើអ្នកនឹងធ្វើអ្វីខ្លះជាមួយនឹងលុយដែលទទួលបានមកនេះ ? តើអ្នកទុកដាក់វាប៉ុណ្ណា និងចាយវាយប៉ុណ្ណា ? ដើម្បីជោគជ័យក្នុងផ្នែកលុយ និងជៀសវាងកំហុសឆ្គងធំៗ វាពិតជាចាំបាច់ណាស់សម្រាប់មនុស្សដែលថ្មីក្នុងវិស័យការងារក្នុងការសិក្សារៀនសូត្រពីការគ្រប់គ្រងនិងទុកដាក់លុយ។
១. បើកគណនីធនាគារ ប្រសិនបើអ្នកមិនទាន់មាន
គណនីធនាគារដែលលើកឡើងមកនេះមិនមែនជាកុងធនាគារដែលក្រុមហ៊ុនអ្នកផ្ញើប្រាក់ខែឲ្យអ្នកជារៀងរាល់ខែទេ។ ផ្ទុយមកវិញវាគួរតែជាគណនីសន្សំដែលផ្តល់អត្រាការប្រាក់ខ្ពស់ច្រើនគួរសម។ ប្រសិនបើអ្នកចង់បង្កើនចំណូលតាមការសន្សំលុយ អ្នកអាចស្រាវជ្រាវធនាគារលើអ៊ីនធើណែតបាន ។ ប៉ុន្តែក្រៅពីចំណេញការប្រាក់ហើយ ការបើកកុងធនាគារសម្រាប់សន្សំនេះមានអត្ថប្រយោជន៍មួយទៀតគឺវាជួយកាត់បន្ថយការចាយវាយដែលមិនចាំបាច់របស់អ្នកព្រោះកុងធនាគារទាំងនេះមិនងាយស្រួលឲ្យអ្នកដកលុយចេញចូលទេ។
២. បែងចែកការចាយវាយចាំបាច់ និងការចាយវាយមិនចាំបាច់
អ្នកមិនចាំបាច់ទៅរៀនទទួលបានបរិញ្ញាប័ត្រដើម្បីយល់ពីទ្រឹស្តីនេះទេ។ វាទាក់ទិនទៅនឹងចំណង់ចង់បាន និងតម្រូវការ។ ការចាយវាយដែលមិនចាំបាច់ជាការចាយវាយតាមចំណង់ចង់បានរបស់អ្នកដូចជាការមើលកុនឬការកម្សាន្តផ្សេងៗ ខណៈដែលការចាយវាយដែលចាំបាច់ជាការចាយវាយតាមតម្រូវការចាំបាច់របស់អ្នកដូចជាថ្លៃជួលផ្ទះ ឬថ្លៃទឹកភ្លើងជាដើម ។ អ្នកមិនចាំបាច់ត្រូវលុបបំបាត់ការចាយវាយមិនចាំបាច់ទាំងស្រុងទេ តែអ្នកគួរតែកំណត់ឲ្យបានច្បាស់លាស់ពីចំនួនដែលអ្នកទុកសម្រាប់ការចាយវាយទាំងនេះដើម្បីជៀសវាងការចាយវាយខ្ជះខ្ជាយ។
៣. ចាប់ផ្តើមទុកដាក់លុយសម្រាប់ពេលមានអាសន្ន
កិច្ចការសំខាន់ជាងគេពេលដែលអ្នកចាប់ផ្តើមមានប្រាក់ខែហើយគឺសន្សំទុកពេលគ្រាមានអាសន្ន។ ជាទូទៅ អ្នកគួរតែសន្សំទុកថវិកាដែលស្មើនឹងការចំណាយរបស់អ្នកយ៉ាងតិចក៏បីខែដែរ មានន័យថាប្រសិនបើអ្នកចាយវាយប្រមាណ២០០ដុល្លារក្នុងមួយខែនោះថវិកាទុកពេលអាសន្នរបស់អ្នកគួរតែស្មើយ៉ាងតិចណាស់ក៏៦០០ដុល្លារដែរ ៕ កែសម្រួលដោយ ៖ សុឃាក់
ចែករំលែកព័តមាននេះ