វីរនារីជាអ្នកដោះមីន ទទួលបានបាច់ផ្កានិងថវិកា
- ស្វាយរៀង
ខេត្តស្វាយរៀង ៖ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានជូនបាច់ផ្កានិងថវិកាដល់វីរនារី គង់…
ខេត្តស្វាយរៀង ៖ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានជូនបាច់ផ្កានិងថវិកាដល់វីរនារី គង់ សារឿនអ្នកដោះមីននៅខេត្តស្វាយរៀង និងវីរនារី៣នាក់ទៀត ដែលជាអ្នកដោះមីនរំដោះដីស្រែ និងដីលំនៅឋានជូនប្រជាពលរដ្ឋខេត្តស្វាយរៀងដែលវិលត្រឡប់មកស្រុកកំណើត ហើយប្រឈមនឹងគ្រាប់មីន និងយុទ្ធភ័ណ្ឌមិនទាន់ផ្ទុះដែលដាក់នៅក្នុងសម័យសង្គ្រាមពីទសវត្សរ៍ឆ្នាំ១៩៧០ដល់ឆ្នាំ១៩៨០ ។
ការជូនបាច់ផ្កានិងថវិកានេះ គឺក្នុងខណៈដែលលោកជំទាវឧបនាយករដ្ឋមន្ត្រី អញ្ជើញជួបសំណេះសំណាលនៅក្នុងពិធីអបអរសាទរខួបលើកទី១០៩នៃទិវាអន្តរជាតិនារី ៨មីនា ដែលបានប្រារព្ធធ្វើនៅសាលាខេត្តកាលពីរសៀលថ្ងៃទី៥ ខែមីនា ។
ដោយសារគុណបំណាច់ដ៏ប្រសើររបស់វីរនារីដោះមីននៅខេត្តស្វាយរៀងនេះ រាជរដ្ឋាភិបាល ជាពិសេសសមាគមនារីកម្ពុជាដើម្បីអភិវឌ្ឍន៍ តែងតែយកចិត្តទុកដាក់និងគោរពវីរភាពដ៏អង់អាចក្លាហានរបស់វីរនារីដោះមីនទាំង៤រូបនៅ ដែលដឹកនាំដោយវីរនារី គង់ សារឿន ៕
ចែករំលែកព័តមាននេះ