ខេត្តតាកែវ ៖ នេះជារឿងមួយដែលគួរឱ្យសង្វេគចិត្តបំផុត ដែលមិនអាចទទួលយកបាននៅលើជនរងគ្រោះ២នាក់ប្តីនិងប្រពន្ធដែលរងរបួសយ៉ាងធ្ងន់ធ្ងរ ដោយកំពុងដេកសម្រាកព្យាបាលនៅមន្ទីពេទ្យរុស្សីនៅរាជធានីភ្នំពេញ ហើយក៏មិនដឹងជាស្ថានភាពបែបណាផងនោះ ស្រាប់តែជួបរឿងមួយទៀតបានកើតឡើងគឺផ្ទះរបស់ពួកគាត់ ត្រូវបានគេលួចដុតឆេះអស់គ្មានសល់ថែមទៀត ។ ហេតុការណ៍នេះ…
ខេត្តតាកែវ ៖ នេះជារឿងមួយដែលគួរឱ្យសង្វេគចិត្តបំផុត ដែលមិនអាចទទួលយកបាននៅលើជនរងគ្រោះ២នាក់ប្តីនិងប្រពន្ធដែលរងរបួសយ៉ាងធ្ងន់ធ្ងរ ដោយកំពុងដេកសម្រាកព្យាបាលនៅមន្ទីពេទ្យរុស្សីនៅរាជធានីភ្នំពេញ ហើយក៏មិនដឹងជាស្ថានភាពបែបណាផងនោះ ស្រាប់តែជួបរឿងមួយទៀតបានកើតឡើងគឺផ្ទះរបស់ពួកគាត់ ត្រូវបានគេលួចដុតឆេះអស់គ្មានសល់ថែមទៀត ។ ហេតុការណ៍នេះ បានកើតឡើតយប់ថ្ងៃទី០៥ មីនា វេលាម៉ោង០៩ និង៣០នាទីយប់ស្ថិតក្នុងភូមិធ្នោះ ឃុំអង្គកែវ ស្រុកទ្រាំង ខេត្តតាកែវ។
លោកប៊ិច វណ្ណា អធិការរងនគរបាលស្រុកទ្រាំងបានប្រាប់កោះសន្តិភាពតាមទូរស័ព្ទថា ផ្ទះរបស់ប្រជាពលរដ្ឋដែលត្រូវភ្លើងលេបត្របាក់ឆេះអស់ទាំងស្រុងនេះមានចំនួន២ខ្នងឯណោះ ។ ផ្ទះទី១មានម្ចាស់ឈ្មោះ មាស សាម៉ន អាយុ៥៧ឆ្នាំ ទំហំ 5×6 ខូចខាតទាំងស្រុង មានម៉ូតូវីវ៉ា១គ្រឿង អង្ករ១បេ មាស៣ជីកង់ ១គ្រឿង និងសំលៀកបំពាក់ទាំងអស់ ដែលជាជនរងគ្រោះកំពុងសម្រាកព្យាបាលជំងឺនៅឯមន្ទីរពេទ្យរុស្សីភ្នំពេញនោះ ។ ចំណែកផ្ទះទី២ មានឈ្មោះ វ៉ា សារឿន អាយុ ៦០ឆ្នាំ មានទំហំ 4×5 ឆេះទាំងស្រុង ខូចខាតមានកង់ ២គ្រឿងទូរទស្សន៍១គ្រឿង ប្រាក់ 1,5000បាត ស្រូវអង្ករ និងសំលៀកបំពាក់ឆេះទាំងស្រុង។
លោកអធិការរងនគរបាលស្រុកបានបន្តទៀតថា ដោយសាររដូវនេះជារដូវក្តៅផងនោះធ្វើអោយភ្លើងបានឆាបឆេះយ៉ាងរហ័សបំផុត ជាហេតុដែលធ្វើអោយរថយន្តពន្លត់អគ្គីភ័យមិនអាចជួយសង្គ្រោះផ្ទះទាំង២ខ្នងពីអគ្គិភ័យបានឡើយ ហើយនៅរថយន្តពន្លត់អគ្គិភ័យទៅដល់ គឺភ្លើងបានឆាប់ឆេះអស់ទៅហើយ ។
គួររំលឹកផងដែរថា នៅយប់ថ្ងៃទី៣ មីនា វេលាម៉ោងជាង១១យប់នោះ គឺមានជនសង្ស័យចំនួន២នាក់(ជាបងប្អូនបង្កើត) បានជិះម៉ូតូ១គ្រឿងប្រដាប់ដោយកាំបិតក្រង៉ុកចូលទៅកាប់ប្រហារមិនប្រណីដៃទៅលើឈ្មោះមាស សាម៉ន ជាប្តី អាយុ៥៦ឆ្នាំ និងប្រពន្ធឈ្មោះវ៉ា ស្រី អាយុ៥៧ឆ្នាំ បណ្តាលអោយរងរបួសយ៉ាងធ្ងន់ធ្ងហើយត្រូវបានរថយន្តសាមុយរបស់មន្ទីពេទ្យបង្អែកខេត្តដឹកយកទៅសង្គ្រោះនៅឯមន្ទីពេទ្យរុស្សីុភ្នំពេញ។ លុះនៅព្រឹកថ្ងៃទី៤ មីនា ជនសង្ស័យម្នាក់ឈ្មាះម៉ម ឯម ភេទប្រុស អាយុ៣២ឆ្នាំ បានចាប់ខ្លួនចំណែកឈ្មោះម៉ម អន ជាប្អូនបានរត់គេចខ្លួនបាត់ស្រមោល ។
ចែករំលែកព័តមាននេះ