​លោកតាអាយុ១០៣ឆ្នាំ រៀប​ការជាមួយ​នឹង​នារីអាយុ២៧ឆ្នាំ


ឥណ្ឌូនេស៊ី៖ តាមប្រភពព័ត៌មាន Oddity Central បានឱ្យដឹងថា ចាប់តាំងពីចុងខែមុនប្រព័ន្ធ​ផ្សព្វ​ផ្សាយសង្គមឥណ្ឌូនេស៊ីបានលេចព័ត៌មានអំពីពិធីមង្គលការដ៏ចម្រូងចម្រាសមួយនៅ Sulawesi ខាងត្បូង ដែលលោកតាអាយុ១០៣ឆ្នាំ បានរៀបការជាមួយនឹងនារីអាយុ២៧ឆ្នាំ។

រូបថតនិងវីដេអូរបស់គូស្នេហ៍ ដែលមិនទំនងនៅក្នុងថ្ងៃរៀបអាពាហ៍ពិពាហ៍ ត្រូវបានគេបង្ហោះនៅតាម​អុីន​ធើណេតអស់រយៈពេលជាងមួយសប្តាហ៍ ហើយបានធ្វើឱ្យមានការរិះគន់និងការសើចចំអក​ ។ ក្នុងនោះក៏ មានអ្នកដែលមិនជឿថា ពិធីមង្គលការនេះជាការពិត ប៉ុន្តែមានសារព័ត៌មានឥណ្ឌូនេស៊ីមួយចំនួនបាន បញ្ជាក់ថា លោកតា Puang Katte អាយុ១០៣ឆ្នាំ បានរៀបការជាមួយស្ត្រីអាយុ២៧ឆ្នាំម្នាក់ ឈ្មោះ Indo Alang នៅក្នុងស្រុក Siwa ភាគខាងត្បូង Sulawesi កូនកំលោះដែលត្រូវបានគេរាយការណ៍ថា ជាបុរសពោះម៉ាយម្នាក់ បានប្រយុទ្ធនៅក្នុងសង្គ្រាមអាណានិគមហូឡង់ (១៩៤៥ – ១៩៤៩) ។

សាច់ញាតិរបស់កូនកំលោះលោក Ayu Anggreni Muchtar បានប្រាប់សារព័ត៌មាន Liputan6 ថា៖ «ត្រូវហើយវាត្រូវបានធ្វើឡើងនៅរសៀលថ្ងៃនេះ នៅផ្ទះកូនក្រមុំនៅលើផ្លូវ Jalan Galico។ ខ្ញុំមិន​ស្គាល់អាយុពិតប្រាកដរបស់គាត់ទេ ប៉ុន្តែគាត់ច្បាស់ជាមានអាយុជាង១០០ឆ្នាំ ហើយគាត់​ គឺជាអ្នក​ប្រយុទ្ធសង្គ្រាមអាណានិគមហូឡង់។ ប្រពន្ធរបស់គាត់នៅមានអាយុ២០ឆ្នាំនៅឡើយ» ។

Tribunn News ក្រោយមកបានបង្ហាញពីអាយុពិតរបស់អ្នក ទើបរៀបអាពាហ៍ពិពាហ៍គឺ Katte អាយុ ១០៣ឆ្នាំ និង Alng អាយុ២៧ឆ្នាំ ។ ភាពខុសគ្នានៃអាយុ៧៦ឆ្នាំ បានធ្វើឱ្យមនុស្សជាច្រើននៅតំបន់​អាស៊ី​មាន​ការភ្ញាក់ផ្អើល។

អ្វីដែលគួរឱ្យចាប់អារម្មណ៍នោះ គឺថ្លៃបណ្ណាការទៅឱ្យខាងស្រី គឺមិនមានច្រើននោះទេ​នេះបើយោងតាម​​​របាយការណ៍ប្រព័ន្ធផ្សព្វផ្សាយក្នុងស្រុក ។ គេបានដឹងថា ខាងប្រុសបានចំណាយត្រឹមតែ៥លានរូពី (៣៤៣ដុល្លារ) និងចិញ្ចៀនមាសមួយប៉ុណ្ណោះ ។ បច្ចុប្បន្នអ្នកទាំង២ កំពុងរស់នៅផ្ទះកូនកំលោះនៅ Sulawesi ខាងត្បូង ៕

ប្លែក​ៗ ពី​នេះ​...​ពី​នោះ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ