រថយន្តដឹកកីឡាករបាល់ទាត់បានជួបគ្រោះថ្នាក់ចរាចរណ៍ បណ្តាលឱ្យកីឡាករបាល់ទាត់យ៉ាងតិច៨នាក់ បានបាត់បង់ជីវិត និង១៧អ្នកផ្សេងទៀតរងរបួសក្នុងក្រុម Etoile de Guinee មកពីលីគលំដាប់ទី២ នៃប្រទេសហ្គីណេ។ ឧប្បត្តិហេតុខាងលើនេះបានកើតឡើងនៅខាងក្រៅទីក្រុង…
រថយន្តដឹកកីឡាករបាល់ទាត់បានជួបគ្រោះថ្នាក់ចរាចរណ៍ បណ្តាលឱ្យកីឡាករបាល់ទាត់យ៉ាងតិច៨នាក់ បានបាត់បង់ជីវិត និង១៧អ្នកផ្សេងទៀតរងរបួសក្នុងក្រុម Etoile de Guinee មកពីលីគលំដាប់ទី២ នៃប្រទេសហ្គីណេ។
ឧប្បត្តិហេតុខាងលើនេះបានកើតឡើងនៅខាងក្រៅទីក្រុង Mamou ដែលមានចម្ងាយប្រមាណ ២៥០គីឡូម៉ែត្រភាគខាងកើតនៃរដ្ឋធានី Conakry ដែលជាមូលដ្ឋាននៃក្រុម Etoile de Guinee។
តាមរបាយការណ៍ពី BBC បានឱ្យដឹងថា ក្រុមនេះបានកំពុងធ្វើដំណើរទៅប្រកួតនៅទីក្រុង Kankan ដែលស្ថិតនៅចម្ងាយ៤០០គីឡូម៉ែត្រពីខាងកើតទីក្រុង Mamou ដែលជាការប្រកួតបើករដូវកាលថ្មី។
ព័ត៌មានលំអិតនៃគ្រោះថ្នាក់ខាងលើនេះ មិនទាន់លេចចេញជារូបរាងនៅឡើយ ប៉ុន្តែរបាយការណ៍បាននិយាយថា អ្នកដែលស្ថិតក្នុងស្ថានភាពធ្ងន់ធ្ងរកំពុងត្រូវបានបញ្ជូនទៅកាន់មន្ទីរពេទ្យក្នុងរដ្ឋធានី Conakry ។
តាមប្រភពដដែលបានឱ្យដឹងថា ឧប្បត្តិហេតុដែលកើតឡើងកាលពីថ្ងៃព្រហស្បតិ៍ម្សិលមិញនេះ គឺជាគ្រោះថ្នាក់ដ៏ធ្ងន់ធ្ងរបំផុតលើកទី២ ដែលពាក់ព័ន្ធនឹងក្រុមបាល់ទាត់នៃប្រទេសហ្គីណេក្នុងប៉ុន្មានខែថ្មីៗនេះ។ បន្ទាប់ពីនៅថ្ងៃទី៣០ មករាកន្លងទៅ មនុស្ស៣នាក់បានបាត់បង់ជីវិតនៅពេលរថយន្តរបស់ក្រុម Wakriya AC ក៏បានជួបគ្រោះថ្នាក់ដូចគ្នា ៕ (កែសម្រួលដោយ ៖ ធីតា)
ចែករំលែកព័តមាននេះ