ខេត្តបន្ទាយមានជ័យ ៖ គណៈប្រតិភូអភិរក្សប្រាសាទកម្ពុជា-ថៃ បានសុំគម្រោងសិក្សាពីប្រព័ន្ធធារាសាស្ត្រនៅជុំវិញប្រាសាទបន្ទាយឆ្មារ ដើម្បីស្តារឡើងវិញ នៅក្នុងកិច្ចប្រជុំពិភាក្សានៅថ្ងៃទី០៤ ខែមីនា ឆ្នាំ២០២០ នៅសាលប្រជុំសាលាខេត្តបន្ទាយមានជ័យ។ លោក…
ខេត្តបន្ទាយមានជ័យ ៖ គណៈប្រតិភូអភិរក្សប្រាសាទកម្ពុជា-ថៃ បានសុំគម្រោងសិក្សាពីប្រព័ន្ធធារាសាស្ត្រនៅជុំវិញប្រាសាទបន្ទាយឆ្មារ ដើម្បីស្តារឡើងវិញ នៅក្នុងកិច្ចប្រជុំពិភាក្សានៅថ្ងៃទី០៤ ខែមីនា ឆ្នាំ២០២០ នៅសាលប្រជុំសាលាខេត្តបន្ទាយមានជ័យ។
លោក Surath Lerdlum ជាប្រធានគម្រោងសិក្សាពីប្រព័ន្ធធារាសាស្គ្រ (ភាគីថៃ) បានមានប្រសាសន៍ថា គណៈប្រតិភូកម្ពុជា-ថៃដែលមកដល់ខេត្តបន្ទាយមានជ័យ ជួបប្រជុំពិភាក្សាគម្រោងសិក្សាពីប្រព័ន្ធធារាសាស្ត្រក្នុងតំបន់ប្រាសាទបន្ទាយឆ្មារ ស្ថិតឃុំបន្ទាយឆ្មា ស្រុកថ្មពួកខេត្តបន្ទាយមានជ័យ ដែលរួមសហការគ្នាជាមួយមន្ត្រីអភិរក្សប្រាសាទក្នុងឧទ្យានអង្គរ បុរាណវិទ្យា រួមជាមួយមជ្ឈមណ្ឌលបណ្តុះបណ្តាលនៃអាជ្ញាធរជាតិអប្បរា។
លោកបានបញ្ជាក់ថា រយៈពេលកន្លងមក ភាគីថៃបានសហការល្អជាមួយមន្ត្រីអភិរក្សប្រាសាទក្នុងឧទ្យានអង្គរ បុរាណវិទ្យា រួមជាមួយមជ្ឈមណ្ឌលបណ្តុះបណ្តាលនៃអាជ្ញាធរជាតិអប្បរាបានល្អ បានរៀបចំប្រព័ន្ធធារាសាស្ត្រនៅប្រាសាទស្តក់កក់ធំ ហើយកំពុងសិក្សាគម្រោងសិក្សាពីប្រព័ន្ធធរាសាស្ត្រក្នុងតំបន់ប្រាសាទបន្ទាយឆ្មាស្ថិតឃុំបន្ទាយឆ្មាស្រុកថ្មពួក។
លោក អ៊ឹម សុខរិទ្ធី ប្រធាននាយកដ្ឋានអភិរក្សប្រាសាទ ឧទ្យានអង្គរ បុរាណវិទ្យា រួមជាមួយមជ្ឈមណ្ឌលបណ្តុះបណ្តាលនៃអាជ្ញាធរជាតិអប្បរា បានមានប្រសាសន៍ថា ការសិក្សាគម្រោងស្ថារប្រព័ន្ធធារាសាស្ត្រក្នុងតំបន់ប្រាសាទបន្ទាយឆ្មារ ស្រុកថ្មពួក ជាកិច្ចសហកររវាងកម្ពុជា-ថៃ។ ដើម្បីស្តារប្រព័ន្ធធារាសាស្ត្រជុំវិញប្រាសាទបន្ទាយឆ្មារឡើងវិញ ដើម្បីឱ្យមានសោភ័ណភាព និងរក្សាទុកទឹកសម្រាប់ឱ្យបងប្អូនប្រជាពលរដ្ឋប្រើប្រាស់នៅពេលរដូវខ្វះទឹក៕ (កែសម្រួលដោយ ៖ បុប្ផា)
ចែករំលែកព័តមាននេះ