អាជ្ញាធរបាននិយាយថា វីរៈបុរសបាល់ទាត់ប្រេស៊ីល Ronaldinho កំពុងត្រូវបានប៉ូលិសចាប់ខ្លួននៅក្នុងប្រទេសប៉ារ៉ាហ្គាយ ពីបទប្រើប្រាស់លិខិតឆ្លងដែនក្លែងក្លាយដើម្បីចូលក្នុងប្រទេសនេះ។
ប៉ូលិសបានចាប់ខ្លួន និងឆែកឆេរសណ្ឋាគារមួយនៅក្នុងរដ្ឋធានី Asuncion កាលពីថ្ងៃពុធ ជាកន្លែងដែលបុរសវ័យ៣៩ឆ្នាំរូបនេះ បានស្នាក់នៅជាមួយបងប្រុសរបស់គេ។ រដ្ឋមន្ត្រីក្រសួងមហាផ្ទៃរបស់ប៉ារ៉ាហ្គាយបានប្រាប់ ESPN ប្រេស៊ីលថា អ្នកទាំងពីរមិនត្រូវបានចាប់ខ្លួនទេ ប៉ុន្តែកំពុងស្ថិតក្រោមការស៊ើបអង្កេត។
សូមរំលឹកថា កាលពីខែកក្កដា ឆ្នាំ២០១៩ កីឡាករ Ronaldinho ក៏ត្រូវបានគេរាយការណ៍ថា ត្រូវបានដកហូតលិខិតឆ្លងដែនប្រេស៊ីល និងអេស្ប៉ាញរបស់ខ្លួនដោយសារការគេចមិនបង់ពន្ធ និងការមិនបង់ប្រាក់ពិន័យទាក់ទង់នឹងការប្រព្រឹត្តិខុសលើច្បាប់ស្តីពីធនធានធម្មជាតិ ៕ (កែសម្រួលដោយ ៖ ធីតា)
ចែករំលែកព័តមាននេះ