ស្ថានទូតជប៉ុន ទទួលជ្រាបព័ត៌មានទាក់ទងនឹងបុរសជនជាតិជប៉ុន ដែលមានផ្ទុកមេរោគកូរ៉ូណាណូវែលថ្មី បានធ្វើដំណើរចេញពីកម្ពុជាទៅកាន់ប្រទេសជប៉ុន។ អាស្រ័យហេតុដូច្នេះ ស្ថានទូតជប៉ុន សូមចែករំលែក សេចក្តីប្រកាសព័ត៌មានពីក្រសួងសុខាភិបាលជប៉ុនដូចភ្ជាប់ខាងក្រោម។ ស្ថានទូតជប៉ុន នឹងបន្តសហប្រតិបត្តិការជាមួយអាជ្ញាធរកម្ពុជាពាក់ព័ន្ធក្នុងការប្រយុទ្ធប្រឆាំងនឹងវីរុសកូរ៉ូណា…
ស្ថានទូតជប៉ុន ទទួលជ្រាបព័ត៌មានទាក់ទងនឹងបុរសជនជាតិជប៉ុន ដែលមានផ្ទុកមេរោគកូរ៉ូណាណូវែលថ្មី បានធ្វើដំណើរចេញពីកម្ពុជាទៅកាន់ប្រទេសជប៉ុន។ អាស្រ័យហេតុដូច្នេះ ស្ថានទូតជប៉ុន សូមចែករំលែក សេចក្តីប្រកាសព័ត៌មានពីក្រសួងសុខាភិបាលជប៉ុនដូចភ្ជាប់ខាងក្រោម។
ស្ថានទូតជប៉ុន នឹងបន្តសហប្រតិបត្តិការជាមួយអាជ្ញាធរកម្ពុជាពាក់ព័ន្ធក្នុងការប្រយុទ្ធប្រឆាំងនឹងវីរុសកូរ៉ូណា ណូរែល(COVID-19)។ សេចក្តីប្រកាសព័ត៌មានរបស់ក្រសួងសុខាភិបាលជប៉ុន នៅថ្ងៃទី៤ ខែមីនា ឆ្នាំ២០២០(ការបកប្រែក្រៅផ្លូវការ) ថ្ងៃទី៤ ខែមីនា ក្រសួងសុខាភិបាលជប៉ុនបានរកឃើញអ្នកជម្ងឺម្នាក់ដែលមានផ្ទុកមេរោគកូរ៉ូណាណូវែល (COVID-19) ក្នុងចំណោមបណ្តាអ្នកដំណើរផ្សេងៗទៀតដែលបានមកដល់អាកាសយានដ្ឋានអន្តរជាតិជូបឹ(ក្រុងណាហ្គូយ៉ា នៃប្រទេសជប៉ុន)។
តាមរយៈការវិនិច្ឆ័យរបស់អ្នកជម្ងឺ ដោយការធ្វើតេស្ត PCR នៅសាខាស្ថានីយត្រួតពិនិត្យអាកាសយាន្តដ្ឋានជូបឹ នៃស្ថានីយត្រួតពិនិត្យណាហ្គូយា លទ្ធផលបានបង្ហាញពីសញ្ញាវិជ្ជមាននៃការផ្ទុកមានមេរោគកូរ៉ូណាណូវែល (COVID-19) នៅវេលាម៉ោង១៣:៣០នាទី នៅថ្ងៃទី៤ ខែមីនា ហើយបន្ទាប់មកអ្នកជម្ងឺត្រូវបានបញ្ជូនទៅកាន់ វិទ្យាស្ថានវេជ្ជសាស្ត្រក្នុងខេត្តអៃឈី ដោយដាក់ឲ្យនៅដោយឡែក។ ក្រសួងសុខាភិបាលជប៉ុន នឹងធ្វើការស្រាវជ្រាវយ៉ាងសស្រាក់សស្រាំលើមេរោគរាតត្បាតមួយនេះ ព្រមទាំងធ្វើការ យ៉ាងជិតស្និទ្ធជាមួយអង្គការសុខភាពពិភពលោក និងស្ថាប័នពាក់ព័ន្ធលើការវាយតម្លៃហានិភ័យ។
ព័ត៌មានរបស់អ្នកជម្ងឺ១. អាយុ៖ ខ្ទង់៤០ឆ្នាំ ២. ភេទ៖ ប្រុស ៣. ស្នាក់នៅ៖ ខេត្តមីអិ ៤. ប្រវត្តិនៃការធ្វើដំណើរថ្ងៃទី១៦ ខែកុម្ភៈ៖ ចាកចេញពីប្រទេសជប៉ុន ថ្ងៃទី១៦ ខែកុម្ភៈ៖ ធ្វើដំណើរទៅកាន់ព្រះរាជាណាចក្រកម្ពុជា ឆ្លងកាត់តាមប្រទេសវៀតណាម ថ្ងៃទី២១ ខែកុម្ភៈ៖ ធ្វើដំណើរទៅកាន់ប្រទេសហ្វីលីពីន ថ្ងៃទី២៨ ខែកុម្ភៈ៖ ធ្វើដំណើរទៅកាន់ព្រះរាជាណាចក្រកម្ពុជា ថ្ងៃទី៤ ខែមីនា៖ ត្រលប់មកប្រទេសជប៉ុនវិញ ឆ្លងកាត់តាមប្រទេសវៀតណាម ៥. អាការៈសុខភាព ថ្ងៃទី២១ ខែកុម្ភៈ៖ ក្តៅខ្លួន ថ្ងៃទី២ ខែមីនា៖ ក្អកស្លេះ និងតឹងទ្រូង ថ្ងៃទី៣ ខែមីនា៖ ទៅពិគ្រោះនៅមន្ទីរពេទ្យ និងត្រូវបានណែនាំឲ្យបន្តការតាមដាន ថ្ងៃទី៤ ខែមីនា៖ ទៅពិគ្រោះនៅបន្ទប់ពិគ្រោះយោបល់សុខភាពនៅស្ថានីយត្រួតពិនិត្យនៃអាកាសយាន ដ្ឋានជូបឹ ដោយសារតែមានអាការៈតឹងទ្រូង និងក្អក បន្ទប់ពិគ្រោះយោបល់សុខភាព បានរកឃើញថាមានបញ្ហាផ្លូវដង្ហើម និងការឈឺចុកចាប់ជុំវិញផ្នែកទ្រូង ។
វេជ្ជបណ្ឌិតវេជ្ជសាស្ត្រ បានផ្តល់ប្រឹក្សា និងលើកឡើងពីលទ្ធភាពដែល អាចមានផ្ទុកមេរោគកូរ៉ូណា ណូវែល (COVID-19) ហើយស្ថានីយត្រួតពិនិត្យ បានធ្វើតេស្តវិនិច្ឆ័យ PCR។
ចែករំលែកព័តមាននេះ