ប្រទេសអ៊ីតាលី ៖ អ៊ីតាលី ប្រទេសដំបូងជាប្រភពនៃការចម្លងវីរុសCOVID-19 នៅអឺរ៉ុប ដែលចំនួនអ្នកបាត់បង់ជីវិតមកដល់ថ្ងៃទី៤មីនា ឡើងដល់លើសពី១០០នាក់ គឺ១០៧នាក់ ក្នុងចំណោមអ្នកឆ្លងឡើងដល់៣.០៨៩នាក់ បានចាត់បណ្ដាវិធានការវិសាមញ្ញនានា…
ប្រទេសអ៊ីតាលី ៖ អ៊ីតាលី ប្រទេសដំបូងជាប្រភពនៃការចម្លងវីរុសCOVID-19 នៅអឺរ៉ុប ដែលចំនួនអ្នកបាត់បង់ជីវិតមកដល់ថ្ងៃទី៤មីនា ឡើងដល់លើសពី១០០នាក់ គឺ១០៧នាក់ ក្នុងចំណោមអ្នកឆ្លងឡើងដល់៣.០៨៩នាក់ បានចាត់បណ្ដាវិធានការវិសាមញ្ញនានា ដោយបណ្ដាសាលារៀននិងសាកលវិទ្យាល័យត្រូវបិទទ្វារចាប់ពីថ្ងៃទី៥មីនាទៅរហូតដល់ថ្ងៃទី១៥មីនា។
នាយករដ្ឋមន្ត្រី អ៊ីតាលី លោកGIUSEPPE CONTE ពុំបដិសេធឡើយដែលថា បណ្ដាមន្ទីរពេទ្យអាចមានអ្នកជំងឹហូរចូលលើសចំណុះ ក្នុងករណីមានកំណើនខ្ពស់នៃអ្នកជំងឺដែលធ្ងន់ធ្ងរ។ លោកបានព្រមានថា ពុំមែនប្រទេស អ៊ីតាលី តែមួយទ ទោះប្រទេសណាមួយនៃពិភពលោកក៏អាចប្រឈមមុខនឹងសភាពការណ៍បែបនេះដែរ។
ក្នុងរយៈពេលតែប៉ុន្មានសប្ដាហ៍ ម៉ាស់ ថ្នាំសម្លាប់មេរោគ ស្រោមដៃឬសម្លៀកបំពាក់ការពារ ក្នុងប្រទេសជាច្រើនបានក្លាយទៅជាពិបាករក។ បន្ទាប់ពីបារាំងដែលប្រមូលស្តុកនិងជម្រុញផលិតកម្មម៉ាស ប្រទេសរុស្ស៊ីនាថ្ងៃទី៤មីនាបានហាមឃាត់ការនាំចេញបណ្ដាសម្ភារការពារ អាល្លឺម៉ង់ក៏បានធ្វើតាមនេះដែរ។ រដ្ឋមន្ត្រីសុខាភិបាលអាល្លឺម៉ង់លោកJENS SPAHN ទើបហា៊ននិយាយជាលើកដំបូង ពាក្យថាវីរុសនោះឆ្លងរាលដាលដោយអះអាងថា ការឆ្លងវីរុសCOVID-19នៅចិន បានប្រែក្លាយទៅជាការឆ្លងរាលដាលលើពិភពលោកទាំងមូល ។ បច្ចុប្បន្នវីរុសCOVID-19ប៉ះពាល់ដល់ប្រទេសនិងដែនដីដល់ទៅ៨១ហើយបានឆ្លងដល់មនុស្សជិត៩៥.០០០នាក់ រួចមនុស្សជាង៣.២០០នាក់បានត្រូវបាត់បង់ជីវិត។
វីរុសCOVID-19ពេលនេះប៉ះពាល់ដល់គ្រប់ទ្វីបទាំងអស់ លើកលែងតែតំបន់អង់តាក់ទិក និងធ្វើឲ្យស្ទះដល់ជីវភាពប្រចាំថ្ងៃរបស់ប្រទេសកាន់តែច្រើន។ ប្រឈមមុខនឹងគ្រោះថ្នាក់អាជ្ញាធរនៃប្រទេសទាំងឡាយ បានលុបចោលឬពន្យារពេលរៀបចំធ្វើរាល់ព្រឹត្តិការណ៍ឬការប្រមូលផ្ដុំមនុស្សច្រើន ដែលអាចចម្លងជំងឺ។
នៅអង់គ្លេសសូម្បីបណ្ដាផលិតករខ្សែភាពយន្តជេមប៊នថ្មី រឿងNO TIME TO DIEក៏ប្រកាសពន្យារពេលចេញបញ្ចាំងលើពិលោកនាខែវិច្ចិកាដែរ។ ការប្រមូលផ្ដុំ្ដមនុស្សបែបសាសនា ក៏ហាមឃាត់។ អារ៉ាប៊ីសាអូឌីតបានសម្រេចផ្អាកបណ្ដោះអាសន្នធម្មយាត្រាអ៊ិស្លាមប្រចាំឆ្នាំ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ