ករណីបងប្អូនកំពុងមានការព្រួយបារម្ភ ពាក់ព័ន្ធនឹងការរីករាលដាលនៃវីរុសកូរ៉ូណា ឬCOVID-19 ជាពិសេស ពាក្យចចាមអារ៉ាមនានា ពាក់ព័ន្ធនឹងការដួលសន្លប់ ឬដួលបាត់បង់ជីវិតនោះ ដូច្នេះ ការយល់ដឹងអំពីអាការៈរោគ ឬរោគសញ្ញាអ្វីខ្លះដែលសង្ស័យថា មានកូវីត-១៩ ឬអត់ជារឿងចាំបាច់?
លោកសាស្ត្រាចារ្យ វ៉ាន់ ម៉ិច ឯកទេសនិងប្រធានផ្នែកជំងឺសួតនៃមន្ទីរពេទ្យមិត្តភាពខ្មែរ-សូវៀត និងជាប្រធានសមាគមគ្រូពេទ្យសួតកម្ពុជាបានឲ្យដឹងថា រោគសញ្ញាសង្ស័យនៃវីរុសកូរ៉ូណាគឺមានដូចជា ទី ១-មានកំដៅឡើងខ្ពស់ជាង៣៨ អស្សាសេ, អាការៈក្អកស្ងួត, ហត់ពិបាកដកដង្ហើមជាដើម។ ដូច្នេះ បើសិនបងប្អូនមានអាការៈរោគសញ្ញាខាងលើ បងប្អូនគូរទៅធ្វើតេស្តសុខភាព ។
ជាមួយគ្នានោះផងដែរ លោកសាស្ត្រាចារ្យ វ៉ាន់ ម៉ិច បានបញ្ជាក់ថា កន្លងមក មន្ទីរពេទ្យខ្មែរសូវៀត ក៏មានករណីអ្នកជំងឺសង្ស័យមាន covid-19 ចំនួន៧៨ករណី ដែលក្នុងនោះមានទាំងជនជាតិខ្មែរ និងបរទេសដូចជា ចិន ជប៉ុន កូរ៉េ និងអូស្ត្រាលីជាដើម ក្នុងនោះក៏មាននិសិត្សខ្មែរមកពីចិន៤២ នាក់គឺតេស្តអវិជ្ជមានដូចគ្នា ៕
ចែករំលែកព័តមាននេះ