វីរុសកូរ៉ូណា ឬហៅបែបម្យ៉ាងទៀតថា វីរុស covid-19 មិនមែនជាជំនឿបែបអរូបីឡើយ វាជាមេរោគឆ្លងយ៉ាងសាហាវបំផុតធ្វើឱ្យពិភពលោកនេះរន្ធត់ញាប់ញ័រភ័យខ្លាចឥទ្ធិពលរបស់វាក្រៃលែង ឯវិធីការពារការចម្លងមេរោគនេះដ៏មានប្រសិទ្ធភាពគឺត្រូវពាក់ម៉ាស ត្រូវមានអនាម័យ ពិសេសត្រូវទទួលទានទឹកឱ្យច្រើន មិនអាចយកពិធីបន់ស្រន់ ឬសូត្របណ្តេញមេរោគនេះបានឡើយ តែក៏មិនខុសឆ្គងទៅនឹងជំនឿរបស់អ្នកស្រុក ឬខុសឆ្គងទៅនឹងធម៌វិន័យអ្វីឡើយ ធ្វើក៏ធ្វើចុះតែគួរប្រកបដោយបញ្ញា ។
មានអ្នកស្រុកច្រើនណាស់ ក្នុងនោះមានទាំងព្រះសង្ឃផងដែរ ដែលមានជំនឿថា ការបន់ស្រន់ ការបួងសួង ការសូត្រធម៌បណ្តេញ ឬរម្ងាប់គ្រោះភ័យចង្រៃទាំងឡាយ នឹងធ្វើឱ្យមេរោគដ៏សាហាវនេះរលត់ រលាយ បរវាសចៀសចេញឆ្ងាយអន្តរាយខ្ចាត់ខ្ចាយអស់គ្មានសល់ ដោយអំណាចនៃការបួងសួង ការសូត្រធម៌បណ្តេញនឹងធ្វើឱ្យមេរោគទាំងនោះមិនហ៊ានមកក្បែរឡើយ ។
ទស្សនៈទាំងនេះអាចផ្ទុយទៅនឹងទស្សនៈអង្គការសុខភាពពិភពលោកដែលយល់ថា វិធីការវីរុសកូវិដ-19បានមានតែ ពាក់ម៉ាសក្នុងទីប្រជុំជន រស់នៅដោយមានអនាម័យលាងដៃនឹងសាប៊ូជារឿយៗ ពិសេសត្រូវទទួលទានទឹកឱ្យបានច្រើនដើម្បីលាងសម្អាតមេរោគក្នុងខ្លួន គឺធ្វើយ៉ាងណាកុំឱ្យស្ងួតបំពង់កដែលប្រឈមនឹងការលូនចូលនៃមេរោគនេះ ។ សាន សារិន
ចែករំលែកព័តមាននេះ