អាការៈ៣២ប្រការរបស់ព្រះបរមសាស្តាបរិបូណ៌ពេញលក្ខណៈល្អណាស់ ទាំងកាយសម្បទា ទាំងចរិយាសម្បត្តិ ទាំងរូបឆោមលោមពណ៌ល្អប្រពៃថ្លៃថ្លាក្រៃលែងលើសមនុស្សនិងទេវតាទាំងឡាយ រហូតបុរសម្នាក់រត់ចោលផ្ទះតាមសុំស្នេហ៍ព្រះអង្គ ។ មានរឿងដំណាលថា សម័យមួយបុរសម្នាក់ឈ្មោះវគ្គលិ នៅក្នុងក្រុងសាវត្ថី បានឃើញព្រះពុទ្ធជាម្ចាស់ទ្រង់យាងបិណ្ឌបាតក៏មានចិត្តជ្រះថ្លាកើតសេចក្តីសេ្នហាជាប់ចិត្តស្អិតក្នុងរូបព្រះពុទ្ធនោះ…
អាការៈ៣២ប្រការរបស់ព្រះបរមសាស្តាបរិបូណ៌ពេញលក្ខណៈល្អណាស់ ទាំងកាយសម្បទា ទាំងចរិយាសម្បត្តិ ទាំងរូបឆោមលោមពណ៌ល្អប្រពៃថ្លៃថ្លាក្រៃលែងលើសមនុស្សនិងទេវតាទាំងឡាយ រហូតបុរសម្នាក់រត់ចោលផ្ទះតាមសុំស្នេហ៍ព្រះអង្គ ។
មានរឿងដំណាលថា សម័យមួយបុរសម្នាក់ឈ្មោះវគ្គលិ នៅក្នុងក្រុងសាវត្ថី បានឃើញព្រះពុទ្ធជាម្ចាស់ទ្រង់យាងបិណ្ឌបាតក៏មានចិត្តជ្រះថ្លាកើតសេចក្តីសេ្នហាជាប់ចិត្តស្អិតក្នុងរូបព្រះពុទ្ធនោះ ចង់តែមើលព្រះរូបមិនចេះឆ្អែតឆ្អន់សោះគិតថាធ្វើម្តេចហ្ន៎ ! នឹងបានព្រះពុទ្ធមកធ្វើជាភរិយា ទើបបុរសនោះចេញពីផ្ទះទៅបួសក្នុងសំណាក់ព្រះសាស្តា ។ លុះបួសរួចហើយកាលណា គ្មានគិតសិក្សារៀនសូត្រធម៌អាថ៌អ្វីសោះ គិតតែពីតាមមើលព្រះបរមរូបរបស់ព្រះពុទ្ធមិនចេះជិនណាយ ។
លុះឧបនិស្ស័យដែលអាស្រ័យនឹងសេចក្ដីអប់រំក្នុងព្រះសាស្តាចាស់ក្លាហើយ ទើបព្រះអង្គមានព្រះពុទ្ធដីកាថា នែ! វគ្គលិ អ្នកឯងកុំមើលរូបតថាគតត្រឹមតែសំបកក្រៅនោះ អ្នកចូរមើលធម៌ ចូរពិចារណាឲ្យឃើញធម៌តថា គតវិញចុះ អ្នកណាឃើញធម៌ អ្នកនោះឈ្មោះថាឃើញតថាគត អ្នកណាឃើញតថាគតអ្នកនោះឈ្មោះថាឃើញធម៌ ហើយទ្រង់ទេសនាអប់រំភិក្ខុអង្គនោះរហូតបានសម្រេចព្រះធម៌ជាន់ខ្ពស់ផុតគ្រោះទុក្ខទាំងឡាយ ។ សាន សារិន
ចែករំលែកព័តមាននេះ