វាសនារបស់មនុស្សយើងមិនដូចគ្នាទេ ខ្លះមានវាសនាល្អ ឯខ្លះទៀតមានវាសនាមិនសូវល្អ តែទោះជាយ៉ាងណាយើងមិនត្រូវផ្តេកផ្តួលទៅតាមវាសនា ត្រូវយកការខិតខំប្រឹងប្រែង យកការព្យាយាមជាចម្បងមកដាក់ទុកក្នុងដំណើរជីវិតទើបមានពន្លឺសុភមង្គល ។ ហេតុនេះសូមកុំចេះតែរុញវាសនារបស់ខ្លួនឯងទៅតាមកម្ម តាមហេតុបច្ច័យជាអ្នកចាត់ចែង ហើយបែរជាមិនប្រឹងប្រែងតស៊ូ…
វាសនារបស់មនុស្សយើងមិនដូចគ្នាទេ ខ្លះមានវាសនាល្អ ឯខ្លះទៀតមានវាសនាមិនសូវល្អ តែទោះជាយ៉ាងណាយើងមិនត្រូវផ្តេកផ្តួលទៅតាមវាសនា ត្រូវយកការខិតខំប្រឹងប្រែង យកការព្យាយាមជាចម្បងមកដាក់ទុកក្នុងដំណើរជីវិតទើបមានពន្លឺសុភមង្គល ។
ហេតុនេះសូមកុំចេះតែរុញវាសនារបស់ខ្លួនឯងទៅតាមកម្ម តាមហេតុបច្ច័យជាអ្នកចាត់ចែង ហើយបែរជាមិនប្រឹងប្រែងតស៊ូ នោះភាពជោគជ័យមានមកពីណា ។ យើងមើលគំរូព្រះពោធិសត្វដែលលោកខំហែលឆ្លងមហាសមុទ្រ គឺលោកមិនបានស្រែកហៅទេវតាឲ្យជួយឯណា ឬក៏លោកព្រមតាមកម្មវាសនាហែលលេងៗនោះក៏ទេដែរ គឺព្រះអង្គនៅតែប្រឹងប្រែងមិនបោះបង់ការតស៌ូចោលឡើយ បើទោះជាដឹងថាខ្លួនគ្មានលទ្ធភាពនឹងហែលទៅដល់ត្រើយក៏ដោយ ។
ព្រះពុទ្ធលោកប្រដៅឲ្យមនុស្សទាំងអស់ខំព្យាយាមតស៊ូជាមុន លុះតស៊ូទៅលែងរួចចាំលើកដៃសំពះមេឃសំពះដី សំពះទេវតាឱ្យជួយ កុំរវល់តែសំពះបន់ស្រន់ភ្លេចកម្លាំងខ្លួនឯង នោះពិតជាមិនប្រពៃឡើយ ។ សាន សារិន
ចែករំលែកព័តមាននេះ