តន្ត្រីទេសចរណ៍ Brew The Beat ស្រាបៀរ កម្ពុជា នឹងទៅដល់ខេត្តកំពង់ចាមចុងសប្តាហ៍នេះ
- ភ្នំពេញ
រាជធានីភ្នំពេញ ៖ តន្ត្រីទេសចរណ៍ Cambodia Brew the Beat របស់ស្រាបៀរ កម្ពុជា នឹងធ្វើដំណើរទៅដល់ទីរួមខេត្តកំពង់ចាម…
រាជធានីភ្នំពេញ ៖ តន្ត្រីទេសចរណ៍ Cambodia Brew the Beat របស់ស្រាបៀរ កម្ពុជា នឹងធ្វើដំណើរទៅដល់ទីរួមខេត្តកំពង់ចាម ហើយនាចុងសប្តាហ៍ថ្ងៃទី ៦-៧ ខែមីនា ខាងមុខនេះ នៅលើទឹកដីសួនកំពុងរង់ចាំដែលជាទីតាំងទី 13 នៃដំណើរកម្សាន្តទាំង មូលសរុប ២៤ ខេត្ត-ក្រុង ។
តារាចម្រៀងដែលនឹងត្រូវចូលរួមផ្តល់ភាពសប្បាយរីករាយក្នុងការប្រគំតន្ត្រីនេះរួមមាន៖លោក ឆន សុវណ្ណារាជ, អ្នកនាង ពេជ្រ សោភា, សុខ ស្រីនាង, វី ឌីណែត, រ៉េត ស៊ូហ្សាណា, Step, សំ សុវណ្ណារ៉ាក់, គង់ ចំរើន, កែវ សុបញ្ញា និង លោកវង្ស តារារតនា ។
ដូច្នេះលោកស្រី គង់ កុសល នាយិកាផ្នែកទីផ្សារក្រុមហ៊ុន ខ្មែរ ប៊ែវើរីជីស បានគោរព អញ្ជើញពលរដ្ឋខេត្តកំពង់ចាម ចូលរួមទស្សនាផ្ទាល់ និង ទទួលយកភាពសប្បាយរីករាយ ជាមួយកម្មវិធីតន្ត្រីឆ្នាំថ្មីពី ស្រាបៀរ កម្ពុជា ទាំងអស់គ្នា ហើយសម្រាប់ពលរដ្ឋកម្ពុជាទូទាំង ប្រទេសក៏អាចតាមដានទស្សនាការផ្សាយផ្ទាល់អំពីកម្មវិធីនេះចាប់ពីម៉ោង៨ល្ងាចតទៅផងដែរ ។
បញ្ជាក់ តន្ត្រីស្រាបៀរ កម្ពុជា បានចាប់ផ្តើមចេញដំណើរតាំងពីសប្តាហ៍ទី ២ ខែធ្នូ ឆ្នាំ ២០១៩ មកម្លេះ ដូច្នេះបើគិតមកត្រឹមពេលនេះតន្ត្រីទេសចរណ៍បានប្រព្រឹត្តទៅបានចំនួន១២ ខេត្ត-ក្រុងហើយ ដោយបន្សល់ទុកនូវភាពសប្បាយរីករាយ យ៉ាងខ្លាំងដល់អ្នកចូលរួមទស្សនាផ្ទាល់ ៕ (អត្ថបទ សហការ)
ចែករំលែកព័តមាននេះ