ថៃលីគប្រកាសផ្អាកការប្រកួតទាំងអស់ ការពារឆ្លងវីរុស Covid-19
យោងតាមការប្រកាសពី Thai League បានឱ្យដឹងថា ការប្រកួតបាល់ទាត់លីគថៃទាំងអស់ចាប់តាំងពីលីគទី ១-៤ នឹងត្រូវផ្អាកចាប់ពីថ្ងៃទី៣ មីនា ដល់ថ្ងៃទី១៧ មេសា…
យោងតាមការប្រកាសពី Thai League បានឱ្យដឹងថា ការប្រកួតបាល់ទាត់លីគថៃទាំងអស់ចាប់តាំងពីលីគទី ១-៤ នឹងត្រូវផ្អាកចាប់ពីថ្ងៃទី៣ មីនា ដល់ថ្ងៃទី១៧ មេសា ២០២០ ស្របតាមគោលនយោបាយរបស់ក្រសួងសុខាភិបាលថៃ ក្នុងការខិតខំទប់ស្កាត់ការរីករាលដាលនៃជំងឺរលាកផ្លូវដង្ហើម ដែលបណ្តាលមកពីវីរុស COVID-19 ។
ងាកមកកាន់ការប្រកួតលីគកំពូលថៃ បច្ចុប្បន្នក្រុម Bangkok United កំពុងតែឈរនៅកំពូលតារាងបណ្តោះអាសន្ន ក្រោយឆ្លងកាត់ ៤ប្រកួតឈ្នះទាំង៤ មាន១២ពិន្ទុស្មើពិន្ទុគ្នាជាមួយក្រុមលេខ២ Ratchaburi។
សូមបញ្ជាក់ថា បើយោងតាមប្រភពពី CNN បានឱ្យដឹងថា គិតមកទល់ពេលនេះ ក្នុងប្រទេសថៃបានរកឃើញករណីឆ្លងចំនួន ៤២ករណី និងបានឆក់យកជីវិតមនុស្សម្នាក់ផងដែរ ដោយសារវីរុសនេះ ៕ (កែសម្រួលដោយ ៖ ធីតា)
ចែករំលែកព័តមាននេះ