បើយោងតាមការសិក្សាពីរដាច់ដោយឡែក គេបានរកឃើញថា អ្នកបើកបរយានយន្តដែលមានតម្លៃថ្លៃ មិនមែនជាមនុស្សល្អទេ ។ ការសិក្សានៅសាកលវិទ្យាល័យ Nevada បានអះអាងថាអ្នកបើកបរទាំងនេះមិនសូវចេះឈប់ឱ្យអ្នកថ្មើរជើងឆ្លងផ្លូវទៅមុននោះទេ។ ស្រដៀងគ្នានេះដែរ ការសិក្សានៅហ្វាំងឡង់នាពេលថ្មីៗនេះ…
បើយោងតាមការសិក្សាពីរដាច់ដោយឡែក គេបានរកឃើញថា អ្នកបើកបរយានយន្តដែលមានតម្លៃថ្លៃ មិនមែនជាមនុស្សល្អទេ ។ ការសិក្សានៅសាកលវិទ្យាល័យ Nevada បានអះអាងថាអ្នកបើកបរទាំងនេះមិនសូវចេះឈប់ឱ្យអ្នកថ្មើរជើងឆ្លងផ្លូវទៅមុននោះទេ។ ស្រដៀងគ្នានេះដែរ ការសិក្សានៅហ្វាំងឡង់នាពេលថ្មីៗនេះ (មកពីសាកលវិទ្យាល័យ Helsinki) បានរកឃើញលទ្ធផលដូចគ្នា ដោយផ្អែកលើការស្ទាបស្ទង់មតិលើម្ចាស់រថយន្តទំនើបចំនួន ១៨៩២នាក់ ជាពិសេសម្ចាស់រថយន្ត BMW ឬ Audi។
យោងតាមការសិក្សារបស់សាកលវិទ្យា Nevada លទ្ធភាពនៃការបន្ថយល្បឿនឱ្យអ្នកថ្មើរជើងឆ្លងផ្លូវ មានការថយចុះ៣% ប្រសិនបើរថយន្តមានតម្លៃលើសគ្នា១០០០ដុល្លារ។ ពោលគឺ រថយន្តកាន់តែថ្លៃ គឺកាន់តែបើកមិនបង្អង់ល្បឿនសម្រាប់អ្នកឆ្លងផ្លូវ។ ដោយឡែក អ្នកបើកបររថយន្តធូរថ្លៃ គឺមានភាគរយបន្ថយល្បឿនច្រើនសម្រាប់អ្នកថ្មើរជើង។
លោក Jan-Erik Lonnqvist សាស្ត្រាចារ្យផ្នែកចិត្តវិទ្យាសង្គមមកពីសាកលវិទ្យាល័យបានមានប្រសាសន៍ថា៖ «ខ្ញុំបានកត់សម្គាល់ឃើញថា អ្នកដែលទំនងបើកមិនគោរពភ្លើងស្តុប មិនឈប់ឱ្យអ្នកឆ្លងផ្លូវទៅមុន ឬក៏បើកលឿនមិនគិត ភាគច្រើនគឺជាម្ចាស់រថយន្តថ្លៃៗ ជាពិសេសគឺរថយន្តរបស់អាល្លឺម៉ង់» ។
លទ្ធផលនេះបានរកឃើញថា មនុស្សដែលជាមនុស្សរឹងរូស ឬ គ្មានចិត្តអាណិតអាសូរ ភាគច្រើនគឺជាអ្នកដែលមានរថយន្តថ្លៃជិះ។ ការសិក្សារបស់សាកលវិទ្យាល័យ Nevada បានអះអាងថា នេះគឺមកពីអារម្មណ៍មោទនភាពលើខ្លួនឯង ហើយមិនសូវខ្វល់ពីអ្នកថ្មើរជើង។
តើអ្នកទាំងអស់គ្នាសង្កេតឃើញថា ដូចនឹងការស្រាវជ្រាវនេះឬទេ?
ចែករំលែកព័តមាននេះ