ទ្រឹស្តីអប់រំទាំង៧ចំណុចជាវត្តប្រតិបត្តិញុំាងអ្នកគោរពព្រះពុទ្ធសាសនាឱ្យបានចម្រុងចម្រើនដោយបុណ្យផង ដោយជីវិតប្រចាំថ្ងៃផង ។
១-កិរិយាបន្ទន់អស្មិមានះដែលមានក្នុងចិត្តដោយសេចក្ដីគោរពកោតក្រែងដល់បុគ្គលដែលចម្រើនដោយគុណ ។
២-កិរិយាជួយខ្វល់ខ្វាយក្នុងកិច្ចរបស់អ្នកដទៃ ដែលគួរធ្វើដោយកាយ ឬដោយវាចា ។
៣-កិរិយាឲ្យនូវចំណែកបុណ្យ ដែលខ្លួនបានធ្វើហើយដល់អ្នកដទៃដោយចិត្តមេត្រី ។
៤-កិរិយាអនុមោទនាត្រេកអរតាមសេចក្ដីល្អរបស់អ្នកដទៃ ដោយចិត្តជ្រះថ្លា ។
៥-កិរិយាណែនាំឬបង្ហាត់បង្រៀនអ្នកដទៃឲ្យចេះដឹង ឬពន្យល់ក្នុងផ្លូវធម៌ឲ្យស្គាល់កិច្ចគួរធ្វើ និងមិនគួរធ្វើ ។
៦-កិរិយាតាំងចិត្តស្ដាប់ធម៌ដោយប្រុងប្រយ័ត្នដើម្បីឲ្យចេះចាំធម៌អាថ៌បានច្រើន ។
៧-កិរិយាធ្វើទិដ្ឋិ សេចក្ដីយល់ឃើញរបស់ខ្លួនត្រង់តាមគន្លងធម៌ពិត ។
គោលធម៌ទាំង៧នេះជាផ្លូវនាំដំណើរជីវិតឱ្យឆ្ពោះទៅរកសេចក្តីចម្រើនក្នុងលោកទាំងពីរជាប្រាកដ ។ សាន សារិន
ចែករំលែកព័តមាននេះ