រាជធានីភ្នំពេញ ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានលើកឡើងថា យុវជនដើម្បីវប្បធម៌ជាទាល់តែយុវជនចេញថ្លឹងថ្លែងរវាងទង្វើផ្ទាល់ខ្លួន និងផលប៉ះនៃទង្វើនោះចំពោះសិល្បៈវប្បធម៌ជាតិខ្លួន។ លោកបានលើកឡើងយ៉ាងដូច្នេះថាតើ…
រាជធានីភ្នំពេញ ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានលើកឡើងថា យុវជនដើម្បីវប្បធម៌ជាទាល់តែយុវជនចេញថ្លឹងថ្លែងរវាងទង្វើផ្ទាល់ខ្លួន និងផលប៉ះនៃទង្វើនោះចំពោះសិល្បៈវប្បធម៌ជាតិខ្លួន។
លោកបានលើកឡើងយ៉ាងដូច្នេះថាតើ «យុវជនដេីម្បីវប្បធម៌ជាតិជាអ្វី?» ចំពោះខ្ញុំ ក្នុងន័យជាក់លាក់មួយ វា ជាការចេះថ្លឹងថ្លែងរវាងទង្វេីផ្ទាល់ខ្លួន និងផលប៉ះនៃទង្វេីនោះ ចំពោះសិល្ប:វប្បធម៌ជាតិខ្លួន។
លោកបន្តថា ពិតណាស់ រាជរដ្ឋាភិបាលតែងបានគាំទ្រ និងបានផ្តល់ឤទិភាពខ្ពស់ចំពោះវិស័យវប្បធម៌ ដោយចាត់ទុកថាវប្បធម៌ គឺជាព្រលឹងជាតិ និងជាអត្តសញ្ញាណជាតិ។ ដូចប្រសាសន៍របស់សម្តេចតេជោ ហ៊ុន សែន ថ្លែងក្នុងពិធីអបអរសាទរទិវាវប្បធម៌ជាតិ ៣មីនា លើកទី២២ ឆ្នាំ២០២០ រាជរដ្ឋាភិបាល បានយកចិត្តទុកដាក់ខ្ពស់ចំពោះការរក្សាតម្លៃនៃវប្បធម៌ ដោយបានដាក់ចេញនៅចំណាត់ការជាបន្តបន្ទាប់ មិនអនុញ្ញាតអោយរាល់សកម្មភាពទាំង ឡាយណាដែលនាំអោយវប្បធម៌ជាតិអាប់ឱន អាចប្រព្រឹត្តទៅបានក្នុងសង្គមឡើយ។
លោកក៏បានលើកឡើងថាចំណាត់ការដែលបានដាក់ចេញនេះ គឺជាការដាស់តឿន ចំពោះអ្នកទាំងឡាយណា ដែលកំពុងលង់ក្នុងទង្វើមិនសមរម្យរបស់ខ្លួន ដើម្បីតែប្រយោជន៍ខ្លួន ឲ្យមានការ ភ្ញាក់រលឹកថាសកម្មភាពរបស់ពួកគេបានប្រាសចាកសីលធម៌នៃ ការរស់នៅក្នុងសង្គមខ្មែរហើយអាចឈានទៅដល់ការនាំអោយបាត់អត្តសញ្ញាណជាតិរបស់ខ្លួនផងដែរ។
លោកបញ្ជាក់ថា៖«ក្នុងនាមជាប្រជាជាតិខ្មែរ យើងអាចចូលរួមអភិរក្សវប្បធម៌ ក្នុងទម្រង់ផ្សេងៗគ្នា តាមលទ្ធភាពដែលយើងមាន។ យើងទាំងអស់គ្នា ជាអ្នកបន្តវេនក្នុងការថែរក្សា និងលើកតម្កើនវប្បធម៌របស់យើងដូចនេះសូមយុវជនទាំង អស់ស្វែងយល់ឲ្យច្បាស់នូវអ្វីដែលជាទង្វេីរបស់ខ្លួន ហើយអ្វីដែលជាវប្បធម៌បរទេស ដើម្បីចៀសវាងការភ្លេច ឬបាត់បង់អ្វីដែលជាមរតកខ្លួនឯង»។
លោកហ៊ុន ម៉ានីបានបន្ថែមថាទន្ទឹមនឹងនេះ ការចេះថ្លឹងថ្លែង ពិចារណាចំពោះសកម្មភាព ឬកាយវិការរបស់ខ្លួនជាលក្ខណៈបុគ្គល គឺជាការចូលរួមចំណែកក្នុងរក្សាតម្លៃនៃវប្បធម៌ ព្រោះភាពអន់ថយនៃសីលធម៌ និងគុណធម៌សង្គមដែលស្តែងចេញពីទង្វេីបុគ្គល នឹងប៉ះពាល់និរន្តភាពនៃវប្បធម៌ ៕ (កែសម្រួលដោយ ៖ ធីតា)
ចែករំលែកព័តមាននេះ