អ្នកគាំទ្របាល់ទាត់ក្នុងប្រទេសបារាំងម្នាក់ ត្រូវបានគេរាយការណ៍ថា បានបាត់បង់ជីវិតអំឡុងការប្រកួតរបស់ក្រុម Nimes និង Marseille កាលពីចុងសប្តាហ៍ នេះបើតាមការចុះផ្សាយពីគេហទំព័រ The Sun។…
អ្នកគាំទ្របាល់ទាត់ក្នុងប្រទេសបារាំងម្នាក់ ត្រូវបានគេរាយការណ៍ថា បានបាត់បង់ជីវិតអំឡុងការប្រកួតរបស់ក្រុម Nimes និង Marseille កាលពីចុងសប្តាហ៍ នេះបើតាមការចុះផ្សាយពីគេហទំព័រ The Sun។
ប្រព័ន្ធផ្សព្វផ្សាយក្នុងស្រុក (បារាំង) បានអះអាងថា អ្នកគាំទ្រ Nimes ម្នាក់បានគាំងបេះដូង បណ្តាលឱ្យបាត់បង់ជីវិត ដោយត្រូវបានគេស្គាល់ឈ្មោះថា Cedric Deubel អាយុ៣៩ឆ្នាំ ដែលបានចូលរួមទស្សនាការប្រកួតជាមួយកូនប្រុស។ សាក្សីម្នាក់ស្ថិតក្នុងហេតុការណ៍នេះបាននិយាយថា គេ (ជនរងគ្រោះ) បាននិយាយថា ចង់ទៅបង្គន់ ប៉ុន្តែភ្លាមៗនោះបានដួលនៅលើជណ្តើរ ហើយក្រុមអ្នកសង្គ្រោះបឋមបានខំប្រឹងព្យាយាមជួយជនរងគ្រោះដែរ ប៉ុន្តែជនរងគ្រោះបានផុតដង្ហើមបាត់បង់ជីវិតនៅនឹងកន្លែង។
ជាមួយគ្នានេះផងដែរ ក្លិបបាល់ទាត់ Nimes ក៏បានចេញសេចក្តីថ្លែងការណ៍មួយ បញ្ជាក់ពីដំណឹងដ៏ក្រៀមក្រំនេះ និងសាររំលែកទុក្ខផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ