ការប្រកួត Premier League រដូវកាលនេះ អាចលេងដោយគ្មានអ្នកទស្សនា
យោងតាមគេហទំព័រ The Sun បានឱ្យដឹងថា ក្របខ័ណ្ឌ Premier League និងប្រធានសហព័ន្ធបាល់ទាត់អង់គ្លេស FA កំពុងពិភាក្សាពីគម្រោងរៀបចំការសម្រាប់ការប្រកួត…
យោងតាមគេហទំព័រ The Sun បានឱ្យដឹងថា ក្របខ័ណ្ឌ Premier League និងប្រធានសហព័ន្ធបាល់ទាត់អង់គ្លេស FA កំពុងពិភាក្សាពីគម្រោងរៀបចំការសម្រាប់ការប្រកួត ដោយគ្មានអ្នកទស្សនា (Closed Doors) ប្រសិនបើវីរុស Covid-19 នៅតែបន្តរីករាលដាលខ្លាំង ខណៈកិច្ចពិភាក្សាកំពុងត្រូវបានព្រាងដោយរំពឹងថា ការប្រកួតដែលនៅសេសសល់រដូវកាលនេះ នឹងត្រូវបានលេងដោយគ្មានអ្នកគាំទ្រចូលទស្សនា។
នាយករដ្ឋមន្ត្រីអង់គ្លេសលោក Boris Johnson បានសារភាពបន្ទាប់ពីកិច្ចប្រជុំគណៈកម្មាធិការបន្ទាន់ Cobra របស់រដ្ឋាភិបាល កាលពីម្សិលមិញថា វីរុសនេះទំនងជាបន្តរីករាលដាលយ៉ាងខ្លាំង។ ដែលធ្វើឱ្យព្រឹត្តិការណ៍កីឡាជាច្រើនត្រូវបានប្រាប់ឱ្យពន្យារពេលការប្រកួតទាំងអស់ ឬក៏យល់ព្រមឱ្យពួកគេលេងដោយគ្រាន់តែផ្សាយផ្ទាល់តាមទូរទស្សន៍ ដោយគ្មានអ្នកទស្សនា។
ក្នុងនោះប្រធានរដ្ឋបាល FA ក៏បានបញ្ជាក់អំពីផលប៉ះពាល់ផ្នែកហិរញ្ញវត្ថុ ចំពោះក្លិបតូចៗ ដែលពឹងផ្អែកមួយផ្នែក លើប្រាក់ចំណូលពីការលក់សំបុត្រ។
សូមបញ្ជាក់ថា គិតមកទល់នេះចំនួនអ្នកឆ្លងវីរុស Covid-19 ក្នុងប្រទេសអង់គ្លេសបានកើនឡើងដល់ ៤០ករណី នេះយោងតាមប្រភពពី Aljazeera ៕ (កែសម្រួលដោយ ៖ ធីតា)
ចែករំលែកព័តមាននេះ