ខេត្តកំពង់ធំ ៖ យុវជន៣នាក់ស្រវឹងស្រា ចូលទៅកន្លែងតាំងពិពណ៍ខ្ចីព្រួញគេគុបយករង្វាន់ ម្ចាស់មិនឱ្យសាកខឹងវាយបណ្តាលឱ្យរងរបួសធ្ងន-់ស្រាល ដែលហេតុការណ៍បានកើតឡើងកាលពីវេលាម៉ោង០៩ និង៤០នាទីយប់ ថ្ងៃទី០១ មីនា នៅចំណុចតារាងបាលសាលាគំរូ…
ខេត្តកំពង់ធំ ៖ យុវជន៣នាក់ស្រវឹងស្រា ចូលទៅកន្លែងតាំងពិពណ៍ខ្ចីព្រួញគេគុបយករង្វាន់ ម្ចាស់មិនឱ្យសាកខឹងវាយបណ្តាលឱ្យរងរបួសធ្ងន-់ស្រាល ដែលហេតុការណ៍បានកើតឡើងកាលពីវេលាម៉ោង០៩ និង៤០នាទីយប់ ថ្ងៃទី០១ មីនា នៅចំណុចតារាងបាលសាលាគំរូ ស្ថិតក្នុងភូមិត្រស់ ឃុំបល្ល័ង្ក ស្រុកបារាយណ៍ ខេត្តកំពង់ធំ
ក្រុមជនសង្ស័យទាំង៣នាក់ ១-ឈ្មោះ សុត ពិសី ភេទប្រុស អាយុ២៨ឆ្នាំ នៅភូមិតាអ៊ុង ឃុំបុស្សខ្នរ ស្រុកចំការលើ ខេត្តកំពង់ចាម ២-ឈ្មោះ សុត ប៊ុនធឿន ភេទប្រុស អាយុ៤០ឆ្នាំ នៅភូមិស្រែក្រសាំង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តមានជ័យ និង៣-ឈ្មោះ ពៅ វីន ភេទប្រុស អាយុ២៣ឆ្នាំ នៅភូមិព្រៃតាត្រាវ ឃុំបល្ល័ង្គ ស្រុកបារាយណ៍ ។
ចំណែកខាងជនរងគ្រោះមានចំនួន៣នាក់ដូចគ្នា ១-ឈ្មោះ ឈិន ឈុន ភេទប្រុស អាយុ២៨ឆ្នាំ នៅភូមិព្រៃតាត្រាវ ឃុំបល្ល័ង្ក ស្រុកបារាយណ៍របួសបែកក្បាល២កន្លែង ២-ឈ្មោះ អ៊ុច សឿង ភេទប្រុស អាយុ២៨ឆ្នាំ នៅភូមិបារាយណជាន់ដែក ឃុំបល្ល័ង្ក ស្រុកបារាយណ៍(របួសលើត្រចៀកខាងឆ្វេង១កន្លែង) និង៣-ឈ្មោះ ពៅ វី ភេទប្រុស អាយុ២២ឆ្នាំនៅ ភូមិព្រៃតាត្រាវ ឃុំបល្ល័ង្ក ស្រុកបារាយណ៍ របួសក្រោយត្រចៀកខាងឆ្វេង១កន្លែង) ឈ្មោះនេះពេលសមត្ថកិច្ចអន្តរាគមន៍រករឿងនិងប្រតាយប្រតប់ជាមួយនឹងសមត្ថកិច្ចទៀតផង។
ប្រភពបន្តថា មុនពេលកើតហេតុ ក្រុមជនរងគ្រោះបាននាំគ្នាមកមើលការតាំងពិព័ណ៌នៅចំណុចកើតហេតុខាងលើ ហើយក៏បានចូលទៅគប់ព្រួញយករង្វាន់ នៅកន្លែងរបស់ជនសង្ស័យជាមួយគ្នា ហើយពេលនោះ ខាងជនរងគ្រោះបានសុំខ្ចីព្រួញគុបយកតុកតាសិន ប៉ុន្តែឈ្មោះ សុត ពិសី(អ្នកលក់)ប្រាប់ថា មិនអោយសាកទេ បើទិញគឺលក់ ។
បន្ទាប់មក ខាងភាគីជនរងគ្រោះខឹង ក៏កាច់គ្រាប់ព្រួញរបស់ជនសង្ស័យចោល ហើយក៏កើតជម្លោះជេរម្តាយគេទៀត ទើបម្ចាស់ព្រួញជេរវិញ ភា្លមៗខាងជនរងគ្រោះស្ទុះមកវាយឈ្មោះ សុត ពិសី (ខាងជនសង្ស័យ) ក៏ចាប់ផ្តើមមានការវាយប្រតាយប្រតបគ្នាទៅវិញទៅមក ក្រោយមកសមត្ថកិច្ចបានចុះអន្តរាគមន៍ និងបញ្ជូនមនុស្សរងរបួសទៅមន្ទីពេទ្យបង្អែកបារាយណ៍សន្ទុកតែម្ដង ។ ចំណែកជនសង្ស័យត្រូវបានឃាត់ និងរក្សាទុកនៅអធិការដ្ឋានស្រុកបារាយណ៍ ដើម្បីចាត់ការតាមនីតិវិធី ។
ចែករំលែកព័តមាននេះ