ប្រទេសហ្វ៊ីលីពីន ៖ តាមទីភ្នាក់ងារព័ត៌មានអាមេរិកAPថា មនុស្សយ៉ាងតិច៣០នាក់ ត្រូវចាប់ជាចំណាប់ខ្មាំងក្នុងមជ្ឈមណ្ឌលពាណិជ្ជកម្មមួយនាជាយក្រុងម៉ានីល រដ្ឋធានីហ្វ៊ីលីពីនដោយបុរសប្រដាប់អាវុធម្នាក់ ដែលបាញ់ជាច្រើនលើករួចហើយ។ តាមសារព័ត៌មានក្នុងស្រុកថា អន្តរាគមន៍មួយរបស់ប៉ូលិសបានបើកធ្វើ។
APគូសបញ្ជាក់ថាក្រោយការបាញ់កាំភ្លើងជាច្រើនគ្រាប់ នាថ្ងៃទី២មីនានោះខាងក្នុងមជ្ឈមណ្ឌលពាណិជ្ជកម្មមួយ ស្ថិតនៅជិតរដ្ឋធានីម៉ានីល ប៉ូលិសបានឡោមព័ទ្ធអគារមជ្ឈមណ្ឌលនេះ។ កងកម្លាំងសន្តិសុខបានលុកចូលខាងក្នុងមជ្ឈមណ្ឌលពាណិជ្ជកម្មV MALL នៅ SAN JUAN ។ មនុស្សយ៉ាងតិច៣០នាក់ត្រូវជាប់ជាចំណាប់ខ្មាំងដោយជនប្រដាប់អាវុធម្នាក់។ ខ្មាន់កាំភ្លើងជាភ្នាក់ងារសន្តិសុខម្នាក់ បានចាប់មនុស្សប្រមាណ៣០នាក់ជាចំណាប់ខ្មាំង ក្នុងការិយាល័យរដ្ឋបាលមួយ ហើយបានបាញ់លើមនុស្សយ៉ាងតិចម្នាក់។
នេះជាការអះអាងរបស់អភិបាលស្រុកមួយនៃក្រុងម៉ានីល ។ តាមអភិបាលស្រុកនេះថា ជនរងគ្រោះដោយការបាញ់ប្រហារ ត្រូវបានបញ្ជូនមកសង្គ្រោះបន្ទាន់ក្នុងមន្ទីរពេទ្យមួយ។ ទោះះបីយ៉ាងណាតាមអ្នកនាំពាក្យប៉ូលិសម្នាក់ថា ចំនួនចំណាប់ខ្មាំងសល់មិនលើសពី២០នាក់ឡើយ។ កងកុំម៉ង់ដូមួយក្រុមរបស់ប៉ូលិសពិសេសមានគ្នា១២នាក់ ប្រដាប់ដោយអាវុធវាយលុក បានចូលក្នុងមជ្ឈមណ្ឌលពាណិជ្ជកម្មនេះ៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា) ប្រភពវីដេអូ ៖ Sputnik France & Daily Tribune
ចែករំលែកព័តមាននេះ