ប្រទេសកូរ៉េខាងត្បូង ៖ យោងតាមYONHAPកូរ៉េខាងត្បូងវាយតម្លៃនាថ្ងៃទី២មីនាថា ចំនួនអ្នកឆ្លងវីរុសCOVID-19 ក្នុងប្រទេសនឹងមានការកើនឡើងនាដើមខែមីនា ខណៈអាជ្ញាធរសុខាភិបាល ស្វែងរកផ្ដោតលើការតស៊ូប្រឆាំងវីរុស ក្នុងផ្ទៃព្រះវិហារSHINCCHEONJI ចំណុចប្រភពដើមនៃការចម្លងវីរុសនេះ។
កូរ៉េខាងត្បូងរាយការណ៍នាថ្ងៃទី២មីនា ពីអ្នកឆ្លងីវីរុសថ្មី៥៨៦នាក់ទៀត នាំឲ្យចំនួនអ្នកឆ្លងសរុបឡើងដល់ជាង៤.០០០នាក់។ ជាមួយអ្នកបាត់បង់ជីវិតថ្មី៤នាក់ទៀត នាំឲ្យចំនួនអ្នកបាត់បង់ជីវិតសរុបដោយសារវីរុសនេះឡើងដល់២២នាក់ហើយក្នុងប្រទេស។
ហើយអ្នកបាត់បង់ជីវិតចុងក្រោយគេជាបុរសចំណាស់អាយុ៨៣ឆ្នាំម្នាក់មានដើមកំណើតក្នុងក្រុងDAEGU ចម្ងាយ៣០០គីឡូម៉ែត្រភាគអាគ្នេយ៍ក្រុងសេអ៊ូល។ ក្នុងចំណោមអ្នកឆ្លងថ្មី៥៨៦នាក់ ៤៦៩នាក់នៅក្រុងDAEGUនិង៦៧នាក់ក្នុងខេត្តGYEONGSANGខាងជើង។
ទីក្រុងនិងខេត្តដទៃៗទៀតក៏រាយការណ៍ពីអ្នកឆ្លងថ្មីដោយនៅក្រុងសេអ៊ូលមាន១០នាក់ថែមទៀត រួចក្រុងប៊ូសានមានអ្នកឆ្លងថ្មី៣នាក់៕ ដកស្រង់ចេញពីវេបសាយ ៖ yna (កែសម្រួលដោយ ៖ បុប្ផា)
ចែករំលែកព័តមាននេះ